TOP

Nnoonya musajja ampasa mmutwale mu Amerika

Added 17th October 2017

Rosemary omusawo ajjanjaba abantu agamba nti abasajja b’omu Amerika bamulemeredde olw’ensonga nnyingi z’atayagala kwogera wabula agamba nti bangi balina embaliga mu bufumbo.

 RoseMary Muyama

RoseMary Muyama

WUUNO omukyala Munnayuganda abasajja Abamerika gwe balemeddwa. Anoonya musajja ku butaka mu Uganda ng’agamba nti be balimu ekyama.

Ono ye Rosemary Muyama, 38, azaalibwa Mbale kyokka ng’amaze emyaka 15 mu Amerika. Abeera ku kyalo North Hollywood mu kibuga Los Angeles mu ssaza ly’e California.

Alina abaana babiri abawala abali wakati w’emyaka 16-18 be yazaalira mu Uganda nga tannagenda mu Amerika era nga nabo kati yabatwala mu Amerika.

Rosemary omusawo ajjanjaba abantu agamba nti abasajja b’omu Amerika bamulemeredde olw’ensonga nnyingi z’atayagala kwogera wabula agamba nti bangi balina embaliga mu bufumbo.

Ky’ava ayagala okuggya omusajja e Uganda naddala nga mukomole, muwanvu, mweru, tafaayo ku kya bugagga oba talina ssente si kikulu kubanga ye alina bye yeekoledde mu Amerika n’ewaabwe e Mbale. Tafa ku ddiini kyokka tayagala Musiraamu.

 

“Omusajja ono yandibadde amanyi Katonda ate nga si mwavu nnyo kubanga ayinza okuba ng’ekimwavuwaza butabeera mukozi. Noolwekyo njagala atankaluubirize nga munafu nnyo. Yandibadde alina omulimu gw’abadde akola so si abalera engalo.

Njagala ali wakati w’emyaka 38 ne 45. Oba alina abaana si kizibu kubanga nange mbalina,” bw’agattako. Agamba nti bw’amaze okwekolera ssente ze, asazeewo afune omusajja balye obulamu kyokka ne bwe bazaalayo omwana omu ayongere okubagatta si kizibu.

Yategeezezza omusasi wa Bukedde eyamusanze mu Amerika nti, amwagala amuweereze ebimukwatako bwe banaasiimagana, ye ajja kujja mu Uganda babagatte mu bufumbo Obutukuvu amutwale nga bba mu Amerika.

Ennamba y’essimu gye yabawadde okukubako eri +18182317568.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...