Omukazi ateirwe amashanyarazi yaafa, 6 bakwatsirwe- Kasese.

N’ebya Doreen Musingo

KAMULI

Pooriisi omu disiturikiti eya Kamuli eriyo necondooza abantu 6 abarikugambwa kuba baibire amashanyarazi, ekikorwa ekirikuteekateekwa kuba nikyo kirugiirireho okufa kw’omukazi w’emyaka 34 orikugambwa kuba ateirwe amashanyarazi.

Omugambirizi wa Pooriisi ahabw;ekyanga ekya Busoga North, Micheal Kasadha, naagamba omugyenzi nka; Elizabeth Naiagaga- omutuura wa Itukulu –Busabo, omu gomborora eya Nawanyago omu disiturikiti eya Kamuli.

Kasadha naagira ngu eizooba eri omukazi ogwo ateerwa amashanyarazi, Joyce Nabirye, omutuura w’omukyaro nikyo nikyo kimwe, abaire ari omu musiri gwe akwatsire ahari waaya z’amashanyarazi ezirikugambwa kuba zateirweho omu bushobya.

Kasadha nayongyera ashoborora ngu omu kweta abantu kwija kumuhwera, Naigaga aizire kandi ku abaire nagyezaho kumuyamba, amashanyarazi gaaba niwe gateera.

Nakyoreka ngu na bwanyima, baariranwa ababaire bari haihi bateereire Pooriisi esimu eizire ekamanyisa aba UMEME abaizire bakasharaho amashanyarazi ago.

Pooriisi ehikire aha mwanya nikwo kutwara omutumbi gw’omukazi omu kabafu ah’eirwariro erya Kamuli kukyeberwa.

Kasadha naagira ngu kuruga eriizoobam babaasize kukwata abantu 6 abu amaziina gaabo gatagambirwe ahabw’obutenda kuteganisa okucondooza kwa Pooriisi.

Naagira ngu abakwatsirwe nibeija kuhweraho Pooriisi omu kucondooza kwayo.

#WestUpdates