AB’EKITONGOLE ekirwannyisa obuli bw’enguzi nga bali wamu n’ekya Kaliisoliiso wa Gavumenti, bagenda kutandika okutaganjula fayiro za Munisipaali y’e kibuga Jinja, omwakumpanyizibwa ensimbi ezisukka 600,000,000/-.
Alipoota eno emaze emyaka egisukka mu ebiri ng’enoonyerezebwaako erimu abakozi mu ggwanika ly’ensimbi mu Munisipaali abaayimirizibwa olw’omusango guno.
Byayogeddwa Town Clerk wa Jinja omuggya, David Kyasanku, bwe yabadde ayogerera eri abakiise ku lukiiko lwa Munisipaali y’e Jinja olwakubiriziddwa Sipiika Abubaker Maganda.
“Okutandiika wiiki eno, ebitongole ebyenjawulo lwe bitandiika okusunsulamu abalina emisango, n’abatalina bazibwe ku mirimu gyabwe. Ekirala nsanze olukiiko luno lubangyibwa ekitongole ky’omusolo, obukadde 650m/,” Kyasanku bwe yategezeezza.
Yabadde ayogera eri abakiise ku lipoota eyamwanjulidwa ennaku 4 emabega gwaddidde mu bigere, David Barabanawe eyatwaliddwa mu Kampala City Capital Authority (KCCA).
Yeeyamye okukolera awamu n’abakiise okulaba ng’ekibuga Jinja, kirinyisibwa ku ddaala lya City.
Kaliisoliiso ayingidde mu bya Munisipaali y’e JINJA
