TOP
  • Home
  • Amawulire
  • KCCA etutte abapunta ne bapima ettaka mu ppaaka enkadde

KCCA etutte abapunta ne bapima ettaka mu ppaaka enkadde

Added 10th September 2012

KCCA kiggadde emiryango gya ppaaka ya takisi enkadde ne kigaana takisi zonna okuyingira okumala essaawa bbiri okusobozesa abapunta be kyatutte okupima ettaka.

Bya  Eria Luyimbazi               

 

Abapunta nga bapima.

KCCA kiggadde emiryango gya ppaaka ya takisi enkadde ne kigaana takisi zonna okuyingira okumala essaawa bbiri okusobozesa abapunta be kyatutte okupima ettaka.

Okukola kino, KCCA yatutte mmotoka zaayo ne zisimbibwa ku buli mulyango oguyingira n’okufuluma ppaaka okutangira mmotoka ya takisi yonna okuyingira munda okusobozesa abapunta okukola omulimu gwabwe nga tebafunye kutataaganyizibwa.

Kino kyaleetedde baddereeva ba takisi abakolera mu ppaaka eno okulowooza ebintu eby’enjawulo omuli okusala  poloti abagagga ze baagula okwetooloola ppaaka eno n’okubagobaganya bafulume ppaaka eno.  

Amyuka omwogezi w’ekitongole kya KCCA, Robert Kalumba yagambye nti okutwala abapunta mu ppaaka gwe gumu ku mitendera oguyitiddwamu okusobola okulongoosa ppaaka etuukane n’omutindo.

Yagambye nti okulongoosa paaka kukenda kuyita mu mitendera. Abapunta nga bamaze okupima ettaka bagenda kutwalayo abantu abalala bakole emirimu n’akkaatiriza nti paaka egenda kusigala mu mikono gy’abantu abakoleramu nga tewali agenda kugobebwamu.

Wabula baddereeva baagaanyi okukkaanya n’ekyakoleddwa KCCA nga bagamba nti eri mu lukwe lwa kubagoba mu paaka.

Rashid Ssekindi, omu ku baddereeva abakolera mu ppaaka eno yagambye nti tebafunye kutegeezebwa kwonna okuva mu KCCA nga bwe waliwo omulimu gwonna okugenda okukolebwa.

Ssentebe wa UTC Village, Okello Lukwiya Kolo yagambye nti okusinziira ku mawulire ge yafunye, okuleeta abantu kyagendereddwamu okwawula poloti ezaagulwa ku ttaka lya KCCA n’okumanya eririko enkaayana.

KCCA etutte abapunta ne bapima ettaka mu ppaaka enkadde

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....