TOP

Lukwago eby''okumugoba abigaanye

Added 14th November 2013

LOODI meeya Erias Lukwago atuuzizza olukiiko lwa bannamawulire n’awakanya byonna ebisaliddwaawo n’agamba nti agenda kwegeyaamu n’abantu ab’obuvunaanyizibwa ab’enjauwlo mu ggwanga asalewo eky’okukola.



 

LIPOOTA Y'ESEMBA WANSI

Bya Hanningto Nkalubo

LOODI meeya Erias Lukwago atuuzizza olukiiko lwa bannamawulire n’awakanya byonna ebisaliddwaawo n’agamba nti agenda kwegeyaamu n’abantu ab’obuvunaanyizibwa ab’enjauwlo mu ggwanga asalewo eky’okukola.

Lukwago yagambye nti guno si gwe mulundi ogusoose nga gavumenti ya Pulezidenti Museveni emusimba mu kkooti era ng’emusingisa emisango naye ng’emulemererwa. 

Omulamuzi Catherine Bamugemereire ng'akwasa Minisita wa Kampala lipoota ku Lukwago. EKIF: STEVEN MUSOKE

Lukwago yagambye nti ne ku luno ajja kukola kyonna ekisoboka okusigaza ekifo kye nti era amanyi olutalo ajja kuluwangula kubanga akyalina obuwagizi bw’abantu abaamulonda.

“Ebiri mu lipoota sibyewuunyizza kubanga mbadde mbimanyi, mbadde mbisuubira era bye nzize mbagamba bulijjo,” bwe yategeezezza mu lukung’aana omwabadde mujjudde bannabyabufuzi ab’enjawulo. Bannabyabufuzi bano baawadde ensonga eziwerako lwaki balowooza nti lipoota nfu omuli:

Minisita wa Kampala, Frank Tumwebaze ng'alaga alipoota eyasingisizza Lukwago emisango gyonna.  EKIF: STEVEN MUSOKE

 Nti akakiiko kaateekebwawo mu bukyamu era tekaakola mu mateeka. Bagattako nti Oludda lwa Lukwago terwasooka kufuna mukisa kuwulirwa.

Omulamuzi Catherine Bamugemereire ng'ayogera mu lukung'aana lw'abaamawuilire oluvannyuma lw'okufulumya lipoota ku Lukwago. EKIF: STEVEN MUSOKE

Baagasseeko nti akakiiko kaali kateekwa kuwuliriza nsonga mu lwatu naye byonna kaabikola mu nkukutu nti ate be balooya baali bagaaniddwa okuwuliriza ensonga z’omuwaabi n’okubuuza ebibuuzo.

Okuva ku ddyo, Besigye ng'ayogeraera mu lukung'aana lw'abaamawulire. Wakati ye Lukwago eyagobeddwa ne Semuju Nganda omubaka wa Kyadondo East mu Palamenti. EKIF: HANNINGTON NKALUBO

Baayongeddeko nti lipooti yali eteekwa kufulumizibwa mu wiiki esooka mu mwezi gwa August naye efulumiziddwa mu November.

Lukwago ng'ayogerera mu lukung'aana lw'abaamawulire. EKIF: HANNINGTON NKALUBO

Nti era Lipooti ebadde eteekwa kusomerwa mu lwatu era mu kifo awaali okunoonyereza naye tekikoleddwa.

 

 

Yiino lipoota eyafulumiziddwa akakiiko akaatekebwawo okubuuliriza ku Loodi Meeya Erias Lukwago (mu Luzungu)

THE REPORT OF TRIBUNAL 12 11 2013updated 8PM trial.pdf

 

 

  

Lukwago eby''okumugoba abigaanye

More From The Author

Emboozi z’omuwandiisi endala

Emboozi endala

Hosyn Kiiza oluusi eyeeyita Farouk asindikiddwa mu kkomera e Kitalya

Farouk bba wa Julie Underwo...

BBA wa munnakatemba Julie Underwood azannya nga Sharon mu ba Ebonies, Hosyn Kiiza oluusi eyeeyita Farouk asindikiddwa...

Isima Mutagaya

Owa Mobile Money asindikidd...

KKOOTI ya Buganda Road esindise omukozi wa Mobile money mu kkomera e Kitalya nga kigambibwa nti yabba ssente obukadde...

Kasasa

Kkooti egobye okusaba kw'ab...

KKOOTI Enkulu ey’ebyettaka egobye okusaba kw’abaana ba Sekabaka Muteesa mwe babadde baagalira okubakkiriza okujulira...

Pte Asiimwe (ku kkono), Pte Mugabi, 2Lt Kasmula ne 2Lt Ankunda mu kaguli ka kkooti gye baavunaaniddwa n’abaserikale ba poliisi e Makindye.

Boofiisa basimbiddwa mu kko...

BOOFIISA ba poliisi basimbiddwa mu kkooti y’amagye ne bavunaanibwa okusomola ebyama bya Gavumenti ne babigabira...

Basse owa S3 ne balagirira ...

ABATEMU babuzizzaawo omuwala owa S3 okuva mu maka ga bakadde be ne bamusobyako oluvannyuma ne bamutta, omulambo...