TOP
  • Home
  • Amawulire
  • Kenzo asimattuse okubbibwako engule ye ku kisaawe e Ntebbe-Ayozezza ku mmunye

Kenzo asimattuse okubbibwako engule ye ku kisaawe e Ntebbe-Ayozezza ku mmunye

Added 8th July 2015

OMUYIMBI Eddy Kenzo atuukidde mu maanyi, abantu bwe beeyiye ku kisaawe e Ntebe okumwaniriza nga bamuyozaayoza okuwangula engule ya BET eri ku ddaala ly’ensi yonna.

Bya Martin Ndijjo


OMUYIMBI Eddy Kenzo atuukidde mu maanyi, abantu bwe beeyiye ku kisaawe e Ntebe okumwaniriza nga bamuyozaayoza okuwangula engule ya BET eri ku ddaala ly’ensi yonna.

Yatuuse ku kisaawe e Ntebe ku ssaawa 8.00 ez’olweggulo. Yayaniriziddwa minisita w’eggwanga avunaanyizibwa ku byobulimi Vincent Ssempijja.

Kenzo amanyiganye ne minisita kubanga yabeerako mu maka ge nga wa myaka mwenda.
Wabweru waabadde wakubyeko abawagizi ba Kenzo nga bawaga nga bwe bayimba ennyimba ezimutadde ku maapu omuli ‘Sitya loosi’, ‘Sitamina’ n’endala ng’ate embuutu bwe zisindogoma.

 

Ebyana nga byefunzizza Kenzo (wakati mu gaalubindi)

 

Mukazi wattu Rema Namakula (mukyala wa Kenzo) eyabadde ne bbebi waabwe ng’akutte n’ekimuli abawagizi baamulemesezza okutuuka ku mwagalwa we ng’eteekateeka bwe yabadde. Yakanze kuleekaana nti “Kenzo..., Taata Aamaal...” nga tamuwulira.

Mu kavuuvuung’ano kano waliwo abavubuka abaasikambudde engule ku Kenzo, eyabadde mu ssanyu n’atandika okukaaba nga bw’aginoonya. Wano abamu kwe kugamba nti, “Kenzo takaabidde buwagizi, wabula kumubbako ngule”.

Oluvannyuma engule baagimuddizza ne boolekera Kampala.

Poliisi yawaliriziddwa okugoba abawagizi olw’effujjo.

 

Rema (ku ddyo) ng’ayaayaana okutuuka awali ekyebbeeyi kye ki Eddy Kenzo. Ku kkono, Evelyne Namulondo ng’akuba enduulu.

 

Emu ku mmotoka ezaakimye Kenzo ng’erimu abawagizi be, yalemeredde omugoba waayo e Kawuku n’etomera ekikomera abamu ku baabaddemu ne bafuna ebisago.

Minisita Ssempijja yagambye, “Uganda ogitadde ku mutindo gwa nsi yonna. Abayimbi batono nnyo abatuuka ku buwanguzi buno. Ku lwa Gavumenti ya Uganda njagala okukuyoozaayoza Kenzo.”

 

Kenzo (ku kkono) ng’akwasa minisita Vincent Ssempijja engule ku kisaawe e Ntebe ku Lwokubiri

 

Andrew Benon Kibuuka, akulira abayimbi ne bannakatemba yagambye nti, “ffe baatutegeezezza nti ajja Lwakuna wiiki eno. Twawulidde buwulizi nti ate atuuse, bwe butabaayo kumwaniriza”.

 

 

 

Eddy Kenzo ayaniriziddwa nga muzira ku kisaawe Entebbe ng'adda okuva mu America gye yawangulira engule ya BET. Ebifaananyi byonna bya Martin Ndijjo.

Posted by Bukedde on Tuesday, July 7, 2015

Kenzo asimattuse okubbibwako engule ye ku kisaawe e ntebe-Ayozezza ku mmunye

More From The Author

Emboozi z’omuwandiisi endala

Emboozi endala

Abaabadde batwala omulambo okuziikibwa.

Amagye gasiimye ebyakolebwa...

AMAGYE ga UPDF gasiimye emirimu egyakolebwa Major Kulovinsa Oliver Nakimbugwe Zizinga eyafiiridde ku myaka 85 bwe...

Muzamir Mutyaba yeegasse ku...

MUZAMIR Mutyaba oluvannyuma lw’okusalwako KCCA FC omwaka oguwedde, yeegasse ku Express FC mu liigi ya babinywera...

atambulira ku muggo. Mu ssaako ku kugulu we baamukubye essasi.

Eyakubiddwa essasi mu by'ok...

OMUKUNZI w’abavubuka mu NRM, Charles Kabagambe akukkulumidde amagye okumukuba amasasi mu kugulu kyokka ne batafaayo...

Pogba ne Zlatan

Pogba awolerezza Zlatan - '...

Ssita wa ManU ono awolerezza Zlatan nti muntumulamu nnyo era si musosoze mu langi ng’abamu bwe bakimuteekako n’ajuliza...

Mourinho ne Klopp

Mourinho tatuuza mumwa! Ala...

Ng'ensiike ya Spurs ne Liverpool ebindabinda, Jose Mourinho alangidde mutendesi munne Jurgen Klopp amalala. ...