TOP
  • Home
  • Amawulire
  • Poliisi egudde mu lukwe lw'abakazi ba FDC okweyambula

Poliisi egudde mu lukwe lw'abakazi ba FDC okweyambula

Added 20th October 2015

OMUDUUMIZI wa poliisi mu ggwanga, Gen. Kale Kayihura yagambye nti bagudde mu lukwe lw’abakazi abawagira FDC okweyambula bavumaganye poliisi.

 
Ebyabaddewo nga poliisi yeezooba n'aba FDC

http://www.bukedde.co.ug/news/87116-aba-fdc-bavumiridde-poliisi-ku-by-omukazi-eyayambuddwa-ng-akwatibwa.html

Posted by Bukedde on Monday, October 12, 2015

Bya Eria Luyimbazi

OMUDUUMIZI wa poliisi mu ggwanga, Gen. Kale Kayihura yagambye nti bagudde mu lukwe lw’abakazi abawagira FDC okweyambula bavumaganye poliisi.

Bino Kayihura yabyogedde ku Lwokusatu wiiki ewedde ku kitebe kya poliisi n’agamba nti bannabyabufuzi abali ku ludda oluvuganya Gavumenti batandise okuteekateeka ebintu ebisoomooza abaserikale abali ku mirimu gyabwe  basobole okubasuula mu nsobi erabibwe ng’ebatulugunya so nga si kituufu.

“Tukizudde nti bannabyabufuzi abali ku ludda oluvuganya balina ebintu bye bakola akagenderere okusobola okulumba poliisi n’ekigendererwa eky’okukozesa aba poliisi ensobi omuli okweyambula wabula bino tubisalidde amagezi,” Kayihura bwe yagambye.

Yagambye nti  mu bikwekweto eby’okugumbulula abeekalakaasa, abaserikale obutakola nsobi obuvunaanyizibwa bwonna bwaweereddwa ba RPC (Regional police Commander) okusobola okulondoola enkola y’emirimu gy’abapoliisi mu kaseera ako waleme kubeerawo nsobi zikolebwa  okugeza okukwata obubi abantu kuba abaserikale bafuna okutendekebwa ku ngeri gye bakwatamu abantu.

Yagambye nti poliisi ekizudde nga buli mukazi akwatibwa yeeyambula kwe kusalawo okulagira abaserikale bonna abakyala abagumbulula abeekalakaasa okubeera ne leesu n’ebitengi okubikka kw’abo abeeyambula n’okubakwata obulungi kireme kuleetawo buzibu ng’obwabaddewo nga bakwata Fatuma Zaina Nayigaga e Sanga. Nayigaga agamba nti abaserikale baamwambudde engoye.

Yagambye nti tagenda kukkiriza muserikale kuddamu kukwata bubi bantu ng’anaakikola waakunoonyerezebwako avunaanibwe.

Yagambye nti waliwo n’abatandise okujingirira kaadi za NRM ne batambula nazo okulaga nti si ba ludda oluvuganya NRM bokka be beekalakaasa wabula n’aba NRM mwebali.  

Yagambye nti poliisi ekizudde nti abali ku ludda oluvuganya akakodyo k’okweyambula ke bakozesa baakatandika mu April 20, 2012 abakazi Barbara Alimadi ne Happy Twinomugisha bwe beeyambulira ku poliisi ya CPS nga bawakanya ekya poliisi okutigaatika Ingrid Tirinawe gwe bagamba nti abaserikale baamusika ebbeere. Omukazi Hamida Nassimbwa naye yeeyambula ng’agezaako okulemesa okukwata Ingrid Turinawe.

 

Poliisi egudde mu lukwe lw’abakazi ba FDC okweyambula

More From The Author

Emboozi z’omuwandiisi endala

Emboozi endala

Bakaluba Mukasa.

NUP ewangudde disitulikiti ...

EKIBIINA kya National Unity Platform (NUP) kyeyongedde okweriisa enkuuli mu kulonda kwa bassentebe ba disitulikiti...

Magogo (ku ddyo) ne Mbidde ku mukolo ogumu.

Magogo okusigala mu ntebe y...

PULEZIDENTI wa FUFA, Moses Magogo oluvannyuma lw'okuwangula akalulu k'omubaka wa Palamenti (Budiope East), asaanye...

Abazannyi ba Rugby Cranes, nga beeriga ne ttiimu ya Zimbabwe e Lugogo.

Aba rugby beesika emiwula l...

Bya SILVANO KIBUUKA Rugby Cranes etandise kaweeefube w'okulaba nga Uganda evuganya mu mizannyo gya Olympics omulundi...

Omuddo gwa Kafumbe nga bwe gufaanana.

Omuddo gwa kafumbe gugoba o...

ABAANA bwe bagenda bakula ne baweza emyaka nga 13 bafuna olusu abangi lwe bamanyi nga kaabuvubuka. Omwana ne bw'aba...

Omusumba Kisitu.

Omusumba w'Abasodookisi any...

Mu bantu abatenda ssennyiga omukambwe mwe muli Omusumba w'Abasodookisi Silvestros Kisitu atwala kitundu ky'e Gulu...