TOP

Ssente z'anaazuula Aine ziweze obukadde 65

Added 12th January 2016

FAMIRE ya Christopher Aine, kanyama wa John Patrick Amama Mbabazi anoonyezebwa n’abavubuka abeegattira mu bibiina eby’enjawulo bataddewo obukadde 45 eri oyo anaabawa amawulire agakwata ku muntu waabwe.

 Christopher Aine

Christopher Aine

FAMIRE ya Christopher Aine, kanyama wa John Patrick Amama Mbabazi anoonyezebwa n’abavubuka abeegattira mu bibiina eby’enjawulo bataddewo obukadde 45 eri oyo anaabawa amawulire agakwata ku muntu waabwe.

 

Duncan Muramuzi, kitaawe wa Aine omuto yategeezezza eggulo mu lukiiko lwa bannamawulire lwe baatuzizza ku Lumumba Avenue mu maaso ga Padre Pio House nti, beetaaga omuntu waabwe nga mufu oba mulamu.

 

Bwaba yafa bamuziike ate bw’aba mulamu bamuyozeeyoze. Muramuzi yabadde n’abavubuka ba ‘Sauti Ya Vijana’, (Jobless Brotherhood) ekikulemberwa Norman Tumuhimbise ne Uganda Poor Youth Movement ekikulemberwa Zahid Ssempala.

 

Bano baakubisizza ekipande ekinene kwe bawandiise nti; ‘Hunt for Aine begins now’ ebivvuunulwa nti okuyigga Aine kutandika

kati era ne bategeeza nti bataddewo obukadde 45 nga zaakuweebwa omuntu yenna anaabawa amawulire agagenda okubatuusa ku Aine.

 

Kati ziba ziweze obukadde 65 obuteereddwaawo eri omuntu anaabawa amawulire ku Aine kuba poliisi ye yasooka okuteekawo obukadde 20 mu kkaasi.

 

Bano era baataddewo n’ekiwandiiko kye bagamba nti bagenda kukitambuza eggwanga lyonna nga banoonya emikono gy’abantu akakadde kamu egibasemba okutwala ekiwandiiko omuli okwemulugunya ku kubula kwa Aine ewa sipiika wa Palamenti abayambe.

 

Kino kiddiridde olukiiko lwa famire olwatudde e Kashaka mu ggombolola y’e Bubale e Mbarara nnyina wa Aine, Nnaalongo Jenifer

Namuleme n’ategeeza nti ayagala kusisinkana Museveni ku nsonga z’omwana we.

 

Yakukkulumidde Mbabazi obutafaayo ku nsonga za Aine wadde nga y’abadde akulira abamukuuma.

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...