TOP

Mwewale obulimba bw'abooludda oluvuganya Gavt. - Museveni

Added 15th February 2016

Bino Museveni yabyogeredde mu lukug’aana lw'akubye ku kisaawe ky’omuzannyo gwa Cricket mu disititulikiti y'e Mbale gy'abadde ng'ajjukiza abalonzi ku bubaka bw'azze abatuusaako mu nnaku 89 z'amaze ng'akuba kampeyini y'akalulu k'Obwapulezidenti akagenda okukubwa ku Lwokuna lwa wiiki eno nga 18.

 Pulezidenti Museveni ng'ayogerera mu lukung'aana mu disitulikiti y'e Tororo

Pulezidenti Museveni ng'ayogerera mu lukung'aana mu disitulikiti y'e Tororo

PULEZIDENTI Yoweri Kaguta Museveni akubirizza abalonzi obutawuliriza bulimba bwa bannabyabufuzi abali ku ludda oluvuganya gavumenti.

Bino Museveni yabyogeredde mu lukug’aana lw'akubye ku kisaawe ky’omuzannyo gwa Cricket mu disititulikiti y'e Mbale gy'abadde ng'ajjukiza abalonzi ku bubaka bw'azze abatuusaako mu nnaku 89 z'amaze ng'akuba kampeyini y'akalulu k'Obwapulezidenti akagenda okukubwa ku Lwokuna lwa wiiki eno nga 18.

Pulezidenti Museveni asoose kunnyonnyola ensonga emukomezzaawo mu kifo kino n'ategeeza nti lwe yasooka okuggya e Mbale obudde bw'ali bugenza, n’olwekyo teyasobola kutuusa bubaka bwe nga bwe yali asuubira nga kino kye kyamuwalirizza okukomawo.

Museveni yategezzeza nti bannabyabufuzi bano bazze babalimba ku nsonga nnyingi nga kino era kye kyamuwalirizza n’okwetaba mu kukubaganya ebirowoozo okw'abeesimbyewo ku bukulembeze bw'eggwanga ku Lwomukaaga oluwedde okusobola okuggyawo obulimba buno.

Wabula omukulembeze w'eggwanga yanenyezza John Patrick Amama Mbabazi owa Go Forward n'agamba nga eyali ssaabawandiisi w’ekibiina kya NRM, anenyezebwa olw'okunafuya ekitebe kya NRM ne kiremererwa n’okutuukiriza obuvunaanyizibwa bwakyo obw’okunnyonnyola abantu ku pulogulaamu za NRM.

Mu lukug’aana lwe lumu, Museveni ajjukizza abalonzi ebyo ebituukiddwaako ekibiina kye naddala mu nsonga z’eby'enkulaakulana mu kitundu kino omuli okuzimba obutale obupya, okussa ensimbi mu kibiina kyabwe eky’obwegassi ekya Bugisu Cooperative Union nga kuno kw'otadde n’enteekateeka ez’okubazimbira ekifo ky'amakolero.

Bya Joyce Nakato

More From The Author

Emboozi z’omuwandiisi endala

Emboozi endala

Olukiiko lwa NRM e Bukasa L...

WABADDEWO okusika omuguwa ku Ofiisi za NRM e Bukasa-Masozi mu Ggombolola y'e Bweyogerere mu Munisipaali y'e Kira...

Aba Takisi mu ppaaka y'oku ...

WABALUSEWO obutakanya mu ba takisi mu  ppaaka y'oku kaleerwe ekiwayi ekimu bwe kirumirizza nanyini ttaka kwe bakolera...

Nalweyiso ng'atottola obulamu bw'ekkomera

Gwe baakwatira mu Curfew ne...

OMUYIMBI  eyakwatibwa olw'okugyemeera ebiragiro bya pulezidenti oluvudde mu kkomera e Kigo nayiiya oluyimba lw'atumye...

Abaabadde batendekebwa okuyamba abakoseddwa mu mataba.

Ab'e Kasese abaakosebwa ama...

ABANTU b'e Kasese abaakosebwa amataba olw'omugga Nyamwamba okwabika bakyalaajanira gavumenti okubayamba waakiri...

 Abdallah Mubiru ng'ayogerako n'abazannyi be

Mubiru atendeka Police FC a...

OMUTENDESI wa Police FC, Abdallah Mubiru, aweze nga sizoni ejja bw’alina okulaba nga ttiimu ye evuganya ku bikopo....