TOP
  • Home
  • Ageggwanga
  • Gen. Kayihura azzeemu okukola enkyukakyuka mu Poliisi

Gen. Kayihura azzeemu okukola enkyukakyuka mu Poliisi

Added 26th July 2016

OMUDUUMUZI wa poliisi mu ggwanga, Gen Kale Kayihura akoze ekyukakyuka mu basirikale mw'akyusirizza abasirikale 18 ab'amadaala aga waggulu.

 Gen Kale Kayihura

Gen Kale Kayihura

OMUDUUMUZI wa poliisi mu ggwanga, Gen Kale Kayihura akoze ekyukakyuka mu basirikale mw'akyusirizza  abasirikale  18 ab'amadaala aga waggulu.

Mu kiwandiio ekyafulumiziddwa nga July 24 , 2016  nga kiteereddwako omukono gwa Gen. Kale Kayihura zino wammanga ze nkyukakyuka z'akoze;

Omuduumuzi wa poliisi mu Kampala n’emirirwano, AIGP Abaasi Byakagaba  abadde akulira ettendekero ly’abasirikale abali ku madaala aga waggulu  e Bwebajja akyusiddwa. Ettendekero lino liri wansi w’ekitongole ekivunaanyizibwa ku kutendeka abasirikale, ekikulirwa AIGP Andrew Felix Kaweesi. Byakagaba asikiziddwa CP  Frank Mwesigwa, abadde akulira ettendekero ly’abasirikale erisangibwa e Kabalye mu Masindi.

Moses Kafeero abadde akulira ettendekero ly'e Bwebajja yasindikiddwa okwongera okutendekebwa mu ttendekero lya poliisi e Musanze Rwanda,  SCP  Stephen Tanui naye asindikiddwa okutendekebwa mu ttendekero lya poliisi e Bwebajja,  SCP John Nuwagira afuuliddwa amyuka akulira ebikwekweeto mu poliisi.

Mu balala abakyusiddwa; ACP Micheal Mugabi atwaliddwa okukulira ettendekero lya poliisi e Masindi ng’amyukibwa SP Martin Odero , SSP Ezekiel  Ebapu Emitu afuuliddwa amyuka omuduumuzi wa poliisi mu Kampala n’emirirwano, SSP Emiriano Kayima  aggyiddwa mu poliisi ekola ku nsonga z’ettaka gy'abadde ng’omwogezi n'afuulibwa omutabaganya wa poliisi n’omuntu wa bulijjo mu Kampala n’emirirwano .

Mu nkyukakyuka ze zimu, Kayihura ebifo by’abasirikale abavunanibwa mu kkooti ya poliisi olw'okuweweenyula abantu kibooko, ebifo byabwe abibaggyeemu n'abasikiza b'ofiisa abalala ng'okubanoonyerezaako  bwe kugenda mu maaso.

Ku bano kuliko; SSP Andrew Kaggwa abadde  RPC Kampala South , SSP Samuel Bamizibire abadde akulira poliisi ekkakkanya obujagalalo mu Kampala n’emirirwano,  SP Moses Nanoka abadde  DPC e Wandegeya , ne ASP Patrick Muhumuza  basindikiddwa mu ofiisi  evunaanyizibwa ku mbeera z'abapoliisi okutuusa ng'emisango egibavunaanibwa okukuba abawagizi ba Dr. Kizza Besigye.

Mu nkyukakyuka zino, SP Godfrey Kahebwa  kati y'akola ng'omuduumuzi wa Kampala South , ASP Joseph Gwaido Bakaleke afuuliddwa DPC wa CPS nga Aaron Baguma abaddewo ateekateeka okugenda okutendekebwa, ASP Joseph Nsabimana aggyiddwa e Nateete n'afuulibwa DPC w'e Wandegeya, ASP Graciano Nkuruziza afuuliddwa OC Station CPS  ate ASP Rashid Byansi aggyiddwa e Nalumunye n'afuulibwa OC Station e Katwe.

Mu ngeri y'emu, Gen Kayihura atutte  ACP Anatoli Muleterwa okufuuka amyuka avunaanyizibwa ku kutendeka abayamba ku poliisi okulwanyisa abamenyi bamateeka ( Crime Preventers), ACP Fredrick Ssegirinnya atwaliddwa mu kitongole ekivunaanyizibwa okutendeka abasirikale, ACP Charles Ssebambulidde atwaliddwa mu kitongole eky’ebidduka  ng'avunaanyizibwa ku kukwasisa amateeka. N'abapoliisi abalala bangi abakyusiddwa.

More From The Author

Emboozi z’omuwandiisi endala

Emboozi endala

Nambooze ng'ayogera eri abavubuka ba People Power e Mukono ku NUP.

Nambooze yeekokkodde abamwe...

Nambooze yeegobyeko abamwekukuutirizaako mu kalulu olumala ne bajeema.

Engeri gy'ofuna mu nkoko z'...

ENKOKO z’amagi zirimu ssente mu kiseera kino, naddala ng’ozirabiridde obulungi ne zitandikira mu budde obutuufu...

Hajji Musa ng'annyonnyola

Enkoko z'ennyama 100, zikuk...

NGA buli omu asala entotto ku ngeri gy'asobola okuyingiza akasente mu nsawo okuyita mu mbeera y'ekirwadde kya Corona,...

Akulira  Tourism board Lilly Ajarova ng'ayogera ku by'obulimi

Akulira Uganda Tourism boar...

Akulira ekitongole kye byobulambuzi mu gwanga ekya Uganda tourism board Lilly Ajarova akubirizza abalimi mu gwanga...

Omubuulizi Moses Tumwebaze okuva ku St.Stephen’s ng’akwasibwa ebbaluwa.

Bannaddiini balaze engeri g...

BANNADDIINI basanyukidde ekya Pulezidenti Museveni okuggulawo amasinzizo ne balaga engeri gye bagenda okuluhhamyamu...