TOP
  • Home
  • Ageggwanga
  • Abaagalana bakwatiddwa nga basinda omukwano mu Kkanisa

Abaagalana bakwatiddwa nga basinda omukwano mu Kkanisa

Added 24th August 2016

Abatuuze b’e Kasalirwe mu ggombolola y’e Gombe mu disitulikiti y’e Wakiso beeroledde amajjankunene, bwe basanze abaagalana nga basinda omukwano mu Kkanisa.

Bya WASSWA B. SSENTONGO

Abatuuze b’e Kasalirwe mu ggombolola y’e Gombe mu disitulikiti y’e Wakiso beeroledde amajjankunene, bwe basanze abaagalana nga basinda omukwano mu Kkanisa.

Gerald Turikuruzize, 35, ne Tereza Nakirijja, 67, abatuuze b’e Kasalirwe bwe baasangiddwa nga banyumya akaboozi mu kkanisa ya St. John (Church of Uganda) e Kasalirwe ku ssaawa 3:00 ez’ekiro ekyakeesezza Olwokubiri.

Abaagalana bano baasoose kugenda mu kirabo ky’omwenge ewa Maama Nalweyiso ng’eno gye baavudde n’ejjakirizi okudda awaka beemale eggoga wabula omukwano ogwabadde gubaboyaanya ne gutasobola kubatuusa waka, okukkakkana ng’omuvubuka aganzise omukadde (atuuse n’okumuzaala) mu kkanisa, gye baabakwatidde. Akawale ka Nakirijja aka ppinka (pink) baakasanze kagudde eri wamu ne ssappule ye.

Ekkanisa eno teriiko nzigi kuba tennaggwa kuzimbibwa.

Fred Ssentamu, asula okumpi n’ekkanisa eno, yategeezezza nti yawulidde ttabbulu efubutuka mu kkanisa n’asooka kulowooza nti oba waliwo abalwaniramu.

Akawale Nnamukadde yakasudde mu luggya lwa Kkanisa ne beesogga Ekkanisa okunyumya akaboozi

Yakutte ttooci n’agendayo era okumulisa bw’ati nga ku mukadde Nakirijja ne Turikuruzize beegadangira mu ssinzizo, lye bafudde loogi!

Ng’abatuuze bakung’aanye, Nakirijja yatandise okuyomba nga bw’ababuuza ebibuuzo eby’okumukumu bamubuulire etteeka erigaana abaagalana okwesanyusa mu kifo n’ekiseera kyonna we baagalidde.

Abatuuze bino tebaabigumiikirizza kwe kukun

guzza bakaggwensonyi bombi ne okubatwala ku poliisi e Matugga ne baggalirwa.

Ssaalongo Swalik Kazibwe ne Innocent Twinamasiko abamu ku baagwiikirizza abaagalana nga bali mu kikolwa beesanyusa

Atwala poliisi eno, Robert Tashobya yategeezezza ng’abakwate bano bwe bagguddwaako omusango oguli ku fayiro nnamba SD:03/23/08/2016.

Omu ku batuuze, Innocent Twinamasiko yagambye nti guno mulundi gwakusatu ng’omuvubuka ono Turikuruzize asangibwa yeegadanga n’abakadde nga kirabika abanoonyaamu ssente.

Ye Ssaalongo Swalik Kazibwe yagambye nti okugwenyuka okucaase ebiro bino kuva ku bavubuka kukozesa biragalalagala, abamu ne baganza n’abakazi abali mu myaka gya bannyaabwe.

Ate John Walakira kino yakitadde ku bakazi abasusse ‘okukuula’ abasajja ne kiwaliriza abasajja okuganza bannamukadde n’abakazi abakulu abataabakuule.

More From The Author

Emboozi z’omuwandiisi endala

Emboozi endala

Abaavunaaniddwa mu kkooti y'amagye.

ABAGAMBIBWA OKUNYAGA OMUKOZ...

ABAGAMBIBWA okulumba amaka g’omukozi wa bbanka nga bakozesa emmundu basimbiddwa mu kkooti y’amagye omu nakkiriza...

Ekiggwa ky'Abajulizi e Namu...

Engeri Ekiggwa ky'Abajulizi e Namugongo gye kifaanana. Eno gye battira Abajulizi era ekifo kino kyafuuka kya bulambuzi...

Abamu ku beetabye mu lukiiko.

Alina poloti etaweza 50 ku ...

Minisitule y’eby’ettaka n’okuteekerateekera ebibuga bafulumizza enteekateeka empya ey’okuzimba mu bibuga. Bategeezezza...

SPC Faizal Katende.

SPC Faizal Katende eyakwati...

OFIISA wa poliisi SPC Faizal Katende asabye kkooti emukkirize okuyimbulwa ku kakalu ka`ayo. Bino Ssentebe wa kkooti...

Ssentebe Sserwanga (alina enkumbi) ng'atema evvuunike ly'okuzimba eddwaaliro.

Gavumenti ewadde ab'e Kayun...

GAVUMENTI ewadde ab’e Kayunga obukadde bw’ensimbi 600 okugaziya eddwaaliro lya Busaale mu ggombolola y’e Kayunga...