Poliisi ng'eggyawo omulambo
ABATEMU bateeze owa bodaboda ng’atuuka ewuwe e Nkumba Bukolwa mu kiro ekikeesezza olwaleero, bamusse ne batwala pikipiki.
Gwe basse ye Micheal Byakatonda 30 ow’e Nkumba Central mu Katabi Town Council ku luguudo olugenda e Ntebe. Ronald Kizito akedde okulima y’asanze omulambo mu nnimiro.
Abadde akolera ku siteegi y’oku Bayitaababiri, alese Namwandu n’abaana babiri. Omulambo poliisi egututte mu ggwanika. Ebisingawo tugenda kubikuwa mu Lupapula lwa Bukedde.
