TOP

Balooya ba Mumbere bayombedde mu kkooti

Added 31st January 2017

BALOOYA b’Omusinga wa Rwenzururu, Charles Wesley Mumbere nga be bawolereza n’abantu abalala 169 b’avunaanibwa nabo bayombedde mu kkooti e Jinja.

 Mumbere ng'atwalibwa mu kkooti. EKIF: JACKIE NAMBOGGA

Mumbere ng'atwalibwa mu kkooti. EKIF: JACKIE NAMBOGGA

BYA JACKIE NAMBOGGA

Nga bakulembeddwa Caleb Alaka bawakanyizza engeri Gavumenti gyeruddewo okunoonyereza ku misango egivunaanibwa abantu baabwe ne bagamba nti wandibaawo akazannyo ke babazannya.

Mumbere ne banne 169, baalabiseeko mu maaso g’omulamuzi akulira kkooti ento, John Francis Kaggwa ne basomerwa emisango egya nnaggomola egibavunaanibwa.

Wabula akulira abawaabi ba Gavumenti e Jinja Grace Nabaggala yategeezezza nti okunoonyereza kukyagenda mu maaso n’asaba babongere ekiseera ng’abasibe kwe bakuumirwa ku limanda. Kino kyaggye Alaka mu mbeera n’atabuka!

Yasabye omulamuzi asseewo ekiseera okunoonyereza bwe kulina okuba nga kuwedde.

Alaka yasabye omulamuzi okuweereza samanizi ezikwata akulira ekitongole ky’amakomera Dr. Johnson Byabashaija olw’okuziimuula ekiragiro kya kkooti enfunda bbiri.

Yategegeezezza nga Byabashaija bwe yagaana okusengula abasibe abakuze mu myaka nga balwadde okuva e Kirinnya okubatwala e Luzira okumpi n’amalwaliro we basobola okufuna obujjanjabi.

Mu bano mulimi ne Katikkiro wa Rwenzururu Johnson Thembo Kitsumbire.

Abalala kuliko n’omutabufu w’obwongo ng’ono aba beetaaga okutwala e Butabika.

Evans Ocheng looya w’abawawaabirwa yategeezezza nga bwe waliyo abantu bataano abaatulugunyizibwa nga bano babadde bajjanjabirwa mu ddwaaliro lya UPDF e Bombo nga gwe mulundi gwabwe ogusoose okulabika mu kkooti.

More From The Author

Emboozi z’omuwandiisi endala

Emboozi endala

Joseph Nuwashaba ng'atwalibwa mu kkooti

Eyakwatibwa ku by'omwana ey...

Omusajja agambibwa okutemako omwana Faith Kyamagero ow'emyaka 4 omutwe aleeteddwa mu kkooti.

Omwana eyasalibwako omutwe ...

Omwana eyasalibwako omutwe e Masaka ne bagutwala ku Palamenti aziikiddwa

Ssebbumba eyakubiddwa lwa bubbi

Abadde mu jjaamu e Kawempe ...

Abadde mu jjaamu e Kawempe bamukubye mizibu

Namasole wa Ssekabaka Mwang...

OLWALEERO Mariam Nampewo omusika wa Majeeri Lunkuse Namasole wa Mwanga II lwe bamuyingizza mu Lubiri lwe e Mpererwe...

Poliisi erung'amizza ku bib...

OMWOGEZI wa poliisi mu ggwanga Fred Enanga ategeezezza nti poliisi ssi yaakukoma kuvunaana bantu abazzizza obusango...