TOP

Abantu 2 bafudde basima nnayikonto e Mpigi

Added 16th February 2017

ABATUUZE b’e Nama mu muluka gwe Luvumbula e Kiringente mu Mpigi baguddemu ekikangabwa abasajja babiri ababadde basima nnayikonto ekiziyiro bwe kibatidde mu kinnya ekya fuuti 120.

 Abapoliisi nga beetegereza ekinnya omwafiiridde abantu. Mu katono, ye Richard Byansi

Abapoliisi nga beetegereza ekinnya omwafiiridde abantu. Mu katono, ye Richard Byansi

ABATUUZE b’e Nama mu muluka gwe Luvumbula e Kiringente mu Mpigi baguddemu ekikangabwa abasajja babiri ababadde basima nnayikonto ekiziyiro bwe kibatidde mu kinnya ekya fuuti 120.

Abaafudde ye, Moses Lukasi 25 ne Richard Byansi 48 ab’e Bukeeju mu Ntenjeru e Kayunga abaaleeteddwa Musa Nviiri okusima ekinnya kya nnayikonto mu maka ge e Nama nga kkiteeberezebwa okuba nga baafudde kiziyiro.

Lukasi ye yasoose okukka mu kinnya okuggyaayo ebisiriiza bye baabadde bookedde mu kinnya kyokka munne yagenze okuwulira ng’atandise okufuluuta nga bw’amuyita tanyega.

Byansi yasazeewo okukka mu kinnya aggyeyo munne nga baakanze ku mulinda nga tadda era baagenze okweteegereza nga naye aweddemu amaanyi.

Musa Nviiri nnannyini kinnya kye baabadde basima yategeezezza nti ebugumu eryabadde mu kinnya lirabika lye lyabasse.

Yagambye nti eyasoose okukka mu kinnya munne bwe yamuyise nga tamuddaamu kwe kusalawo okukkayo amutaase naye olw’ebbugumu bombi ne bafiiramu.

Abaserikale okuva ku poliisi y’e Nakirebe ne Mpigi nga bakulembeddwa omuduumizi wa poliisi e Katonga, Victor Saasi Kule n’akulira poliisi y’e Mpigi , Ahmed Kimera Sseguya baatuuse mu kifo ne bagezaako okugyayo emirambo kyokka ne balemererwa.

Kimera yannenyeza Nviiri okuva abantu omulimu ogw’obulabe kyokka nga tebalina bukugu bwakugukola.

Yalagidde ekinnya kino okuziikibwa ng’emirambo gimaze okuvaamu okwewala obubenje obulala obuyinza okuggwaawo.

Kule yagambye nti bagenda kunoonyereza okuzuulira ddala ekituufu newankubadde nga bagamba nti baafudde kiziyiro.

Emirambo gigenda kutwalibwa e Kayunga nga gisooka mu ddwaaliro okukeberebwa.

More From The Author

Emboozi z’omuwandiisi endala

Emboozi endala

Omusango gwa Kibalama gulek...

OMUSANGO gwa Moses Kibalama ogw’obwannanyini bw’ekibiina kya NUP gwakusalwa nga October 16. Kyokka we banaagusalira...

Kibalama

Kibalama ayogedde lwaki yak...

EYALI Pulezidenti w’ekibiina kya National Unity and Reconciliation Party (NURP) Moses Nkonge Kibalama, agamba nti...

Owa North Korea yejjusizza ...

AMAGYE ga North Korea okutta munnansi wa South Korea gwe baasanze abuuse ensalo ng’ali mu mazzi gaabwe biranze....

Omukungu wa Twaweza ng'annyonnyola

Aba Twaweza bafulumizza ali...

LEERO Mande September 28, 2020 giweze emyaka 15 nga Uganda eyisizza etteeka erikkiriza abantu okufuna amawulire...

Amaka ga Seya Sebaggala

Seya alese omukululo mu byo...

EBYOBUFUZI ebyali bibuutikiddwa abayivu, Seya yabikyusa n’abiyingizaamu n’abantu ba wansi abaali beerabiddwa.