TOP
  • Home
  • Ag’eggwanga
  • Minisita Kabafunzaki yeegaanye ogw'okulya enguzi: Asindikiddwa Luzira

Minisita Kabafunzaki yeegaanye ogw'okulya enguzi: Asindikiddwa Luzira

Added 11th April 2017

MINISITA w’ensonga z’abakozi, Herbert Kabafunzaki yeegaanye okulya enguzi ey’obukadde 5 okuva ku mugagga wa wooteri za Aya n'asindikibwa mu kkomera e Luzira okutuusa enkya ku Lwokusatu.

 Minisita Kabafunzaki ng'ali ku kkooti y'abalyake. ekif: STEVEN MUSOKE

Minisita Kabafunzaki ng'ali ku kkooti y'abalyake. ekif: STEVEN MUSOKE

MINISITA w’ensonga z’abakozi, Herbert Kabafunzaki yeegaanye okulya enguzi ey’obukadde 5 okuva ku mugagga wa wooteri za Aya n'asindikibwa mu kkomera e Luzira okutuusa enkya ku Lwokusatu.

Kyokka ekyewuunyisizza kkooti y’abalyake n'abakenuzi, omuyambi we; Brain Mugabo olumusomedde omusango gw’okuyamba ku Minisita okukweka obujulizi, n'agukkiriza era n'agaana ne looya abadde yeewaddeyo okumuwolereza ku bwereere.

Mugabo kati ayolekedde okusibwa emyaka egitasukka 3 olw’okukkiriza omusango guno.

Ono ategeezezza kkooti nti ye yakweka ssente emabega w’entimbe za wooteri ya Serena mu Kampala oluvannyuma lw’okulaba nga Poliisi ebazinzeeko ye ne mukama we Kabafunzaki.

Agambye nti ssente zino zaali mu bbaasa y’akitaka era nga Kabafunzaki zaamuweebwa Omuyindi Muhammade Mohammad Hamid okumuyamba ku misango gy’okukabassanya omukozi we kyokka bino byonna Kabafunzaki abyegaanye.

Kabafunzaki asabye omulamuzi Agnes Alumu okweyimirirwa kyokka omulamuzi n'alagira atwalibwe e Luzira okutuusa enkya lw'anaasalawo obanga asaana okweyimirirwa.

Ye Mugabo atwaliddwa mu kkomera e Kigo ng'oludda oluwaabi bwe lwetegereza ensonga ezenjawulo kkooti esobole okumuwa ekibonerezo ekimugwana.

More From The Author

Emboozi z’omuwandiisi endala

Emboozi endala

DERRICK ORONE naye alaze by...

Yawangudde eky'omubaka wa Gogonyo mu disitulikiti y'e Pallisa. Aludde mu nsiike y'okuyimba era abaddeko maneja...

GEOFFREY LUTAAYA alaze byat...

GEOFFREY LUTAAYA Sisobola kuva mu kuyimba kuba kwe kunfudde Lutaaya ensi gw'emanyi naye olw'obuvunaanyizibwa kati...

Ebyakwasizza Dr Lulume mu k...

OMUBAKA wa Buikwe South eyaakalondebwa Dr. Lulume Bayiga n'abantu abalala mwenda baakwatiddwa poliisi y'e Nyenga...

'Siri mwangu buli ankubyeek...

EYAGAANYE okusasula ssente z'entambula bamutabukidde ne bamwambula ne bamutwala ku poliisi gye yeekoledde obusolo...

Ssaabasumba asabye Gavument...

SAABASUMBA w'Essaza ekkulu erya Kampala Dr.Cyprian Kizito Lwanga awadde Pulezidenti Museveni amagezi okusoosowaza...