TOP

Kayihura akyusizza aboogezi ba poliisi mu ggwanga

Added 23rd April 2017

OMUDUUMIZI wa poliisi mu ggwanga Gen. Kale Kayihura ayongedde okukola enkyukakyuka mu poliisi bw’akyusizza aboogezi ba poliisi mu bitundu by’eggwanga eby’enjawulo.

 Gen. Kale Kayihura

Gen. Kale Kayihura

Mu kiwandiiko ekyafulumiziddwa poliisi nga April 21, 2017 nga kiteekeddwaako omukono gw’omumyuka wa Gen. Kayihura, Okoth Ochola abasirikale 17 be baakyusiddwa wamu n’okutondawo ofiisi endala.

Enteekateeka y’okukyusa aboogezi ba poliisi yateekebwateekebwa omugenzi Andrew Felix Kaweesi.

ACP Charles Ssebambulidde yafuuliddwa omwogezi w’ekitongole ky’ebidduka, SP Lameck Kigozi abadde omwogezi wa poliisi mu kitundu kya Sezzibwa yatwaliddwa okwogerera poliisi mu kitundu ky’e Masaka (Greater Masaka), SP Daina Nandawula yaggyiddwa e Masaka n’atwalibwa e Jinja.

SP Samson Lubega yaggyiddwa e Jinja n’atwalibwa ku kitebe kya poliisi okukwasaganya emirimu mu kitongole ekivunaanyizibwa ku baserikale n’ebikwekweto, SP Vincent Ssekate yaggyiddwa e Luweero n’atwalibwa okukwasaganya emirimu mu poliisi y’ensi yonna mu kitongole ekinoonyereza ku misango.

ASP Paul Kangavve abadde omumyuka w’omwogezi wa poliisi mu Kampala n’emiriraano yatwaliddwa okubeera omwogezi wa poliisi mu kitundu ky’e Luweero (Savanah), ASP Sophie Kaggwa Naggayi yatwaliddwa okukwasaganya emirimu mu kitongole kya tekinologiya, ASP Mansoor Sowedi yaggyiddwa e Rwenzori n’atwalibwa okubeera omwogezi wa poliisi mu kitundu kya Elgon.

ASP Evas Ainomugisha yatwaliddwa mu kitongole ky’amafuta, ekitongole ekirwanyisa obubbi bw’ente n’embeera y’abasirikale, ASP Julius Hakiza yatwaliddwa okubeera omwogezi wa poliisi mu kitundu ky’e Mbarara ( Rwizi) ASP Collins Agaba yafuuliddwa omwogezi w’ekitongole kya poliisi ekizikiza omuliro.

ASP Ritah Nagaddya yafuuliddwa omwogezi w’ekitongole ekirwanyisa obutujju, C/ASP Hellen Butoto yafuuliddwa omwogezi wa poliisi mu kitundu kya Sezzibwa, C/ASP Samson Kasasira yaggyiddwa e Nakaseke n’atwalibwa okwogerera poliisi mu kitundu kya Albertine , C/ASP Luke Owoyesigyire yafuuliddwa omwogezi wa poliisi mu kitundu kya Greater Bushenyi.

C/ASP Rogers Taitika yatwaliddwa okwogerera poliisi mu kitundu kya Sipi, C/ASP Mary Nankinga yaggyiddwa e Jinja n’atwalibwa ku kitebe kya poliisi nga y’avunaanyizibwa ku mutimbagano gwa poliisi okumanya ebigendako.

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...