TOP
  • Home
  • Ag’eggwanga
  • Akakiiko k'ebyokulonda kalabudde ku ffujjo mu kalulu ka Kyadondo East

Akakiiko k'ebyokulonda kalabudde ku ffujjo mu kalulu ka Kyadondo East

Added 28th June 2017

Akakiiko kabadde kalangirira ebigenda okugobererwa mu kulonda kwa Kyadondo East okugenda okubaawo enkya ku Lwokuna Thursday June 29.

 Akulira akakiiko k'ebyokulonda mu ggwanga, omulamuzi Simon Byabakama

Akulira akakiiko k'ebyokulonda mu ggwanga, omulamuzi Simon Byabakama

AKAKIIKO k’ebyokulonda kalabudde enkambi z’abeesimbyewo mu Kyadondo East obutettantala kuyungula bibinja bya bakanyama oba abavubuka abalala abatali mu mateeka nti  bakuume  obululu bwabwe ne kategeeza nti poliisi yokka  y’egenda okukola ku by’okwerinda.

Ssentebe w’akakiiko k’ebyokulonda Simon Byabakama ategezezza bannamawulire mu Kampala nti ebitongole by’ebyokwerinda naddala poliisi eri bulindaala okukuuma emirembe n’olwekyo ebibinja bya bakannyama n’ebirala ebitali bitongole tebikirizibwa mu kulonda.

Byabakama ategeezezza nti  ebigenda okweyambisibwa mu kulonda bigenda kugyibwa ku sitoowa z’akakiiko k’ebyokulonda ezisangibwa e Banda mu Kampala okutandika essaawa 11:00 ez’oku makya ku Lwokuna.

Ayongedde  bigenda kugyibwayo abavunaanyizibwa ku by’okulonda era abatunuulizi omuli ne ba ajenti b’abeesimbyewo abalina ebiwandiiko ba ddembe okugenda ne balaba ebigenda mu maaso.

Okulonda kugenda kutandika essaawa 1:00 (emu) ey’okumakya kukomekerezebwe 11:00 ez’olweggulo. Era okubala obululu kutandikirewo. Okuagatta ebivudde mu kulonda kugenda kubeerawo ku saza e Kasangati.

Bannamawulire abalina ebiwandiiko ebiboogerako wamu n’abatunuulizi b’ebyokulonda be bokka abatali balonzi abakkirizibwa mu bifo awalonderwa era atali mulonzi aneesaza mu kifo awalonderwa wakukwatibwa.

Byabakama agambye nti ku saza e Kasangati wagenda kussibwawo ekifo abagenda okukola ku kwemulugunya kwonna we bagenda okutuula. Era nga wano nawo wajja kussibwawo ekitongole ekivunaanyizibwa ku by’amawulire okutegeeza ensi ekintu kyonna ekinaaba kigenda maaso.

Ku nsonga z’omu ku beesimbyewo Ssentamu Kyagulanyi oba muyite Bobi Wine okugasimbagana ne poliisi e Kasangati, Byabakama agambye nti kyavudde ku kuba nga yabadde ayagala kutegeka lukung’ana lwe kumpi n’eddwaliro  era poliisi kwe kumugaana.

Kyokka oluvannyuma yakkiriziddwa  okweyongera n’okukuba kampeyini ze e Bulamu n’ewalala.

More From The Author

Emboozi z’omuwandiisi endala

Emboozi endala

Fr. Kato nga bamwaniriza mu kigo ky’e Kamwokya.

"Musabire abakulembeze bamm...

KAABADDE kaseera ka ssanyu ate n’okunyolwa ku kigo ky’e Kamwokya, Abakristu bwe baabadde baaniriza Bwannamukulu...

Abakungubazi nga batunuulira ekifaanayi ky’omwana eyattiddwa.

Bawambye omwana ne bamutta

ABATEMU bawambye omwana ow’emyaka mukaaga ne bamutta mu bukambwe, omulambo ne bagwambulamu engoye. Rosemary Ngambeki...

Joseph Ssewungu (ku kkono) ne Latif Ssebaggala nga baliko bye babuuza minisita Jeje Odong (ku ddyo) ku lukalala lw’amannya g’abantu abatalabikako lwe yasomye mu Palamenti.

Ensonga z'ababaka 10 ezitan...

ABABAKA bawadde ensonga 10 lwaki tebamatidde lukalala olwayanjuddwa minisita w’ensonga z’omunda olulaga abantu...

Abaserikale nga batwala omulambo gw'omuwala.

Bagudde ku mulambo gw'omuwa...

ABATUUZE ku Kyalo Kakerenge mu Ggombolola y’e Gombe mu disitulikiti y’e Wakiso baguddemu ekyekango bwe bagudde...

Abatuuze nga baziika Ssali.

Amasasi ganyoose nga poliis...

Amasasi ganyoose nga poliisi y’e Wakiso egumbulula abatuuze abaaziikudde omulambo nga bagamba nti famire teyinza...