TOP

Eyeeyise mutabani wa Ssebaana bamugobye

Added 10th July 2017

WALIWO omusajja asitudde enkundi ng’alumiriza nti omugenzi John Ssebaana Kizito y’amuzaala.

 Omugenzi Ssebaana Kizito. Ku ddyo ye Nkajja eyeeyita mutabani wa Ssebaana

Omugenzi Ssebaana Kizito. Ku ddyo ye Nkajja eyeeyita mutabani wa Ssebaana

Drake Kizito Nkajja 32, agamba nti Ssebaana yamuzaala mu mukyala Christine Nakiganda (yafa).

Nkajja agamba nti Nakiganda yafiira China gye yali agenze okusoma diguli eyokubiri era lwali lutalo lunene ng’aluddeyo ate nga Ssebaana ayagala mwana we (ye kennyini Nkajja) gwe yali agenze naye.

Nti e China, nnyina yaweererwa Gavumenti ya Uganda eyamusindikayo.

Oluvannyuma Ssebaana yawangula omwana n’amuggya ku nnyina eyasigalira ddala e China ng’amaze okusoma n’okufa n’afiirayo ng’ali ku kyeyo.

Anyumya nti bwe yatuusibwa awaka, mukyala wa Ssebaana eyaliwo ebiseera ebyo teyamusiima era empisa eyamuyisibwamu ye yamuleetera okwagala okwegoba awaka wabula nga kitaawe, Ssebaana y’amulemezaawo.

Agamba nti naye yatuuka ekiseera ng’alemeddwa n’ava awaka.

Nkajja agamba nti si bugagga bw’ayagala kubanga alinawo ebitonotono bye yeekoledde by’atetenkanya mu Kampala naye alumirirwa musaayi gye bamuzaala n’ennaku y’okumwegaana ng’omwana w’awaka.

Agamba nti abamu ku bamumanyi nga baaluganda lwa Ssebaana ye Polof. Mutibwa.

Abalala yanokoddeyo Sarah Nkonge n’abakola ku kitebe kya DP mu Kampala ne City Hall ku kitebe kya KCCA. Ekisinga okumuluma, aba famire kwe kumwesamba ng’abatalina kye bamumanyiko ng’ate muganda waabwe.

Attottola ng’amaka ga Ssebaana bwe gabadde amazibu okubeeramu nga tozaalibwa mukyala we omukulu nti ne bw’obeera ng’oli mukyala wa Ssebaana ow’ebbali, abalala bangi tebakukkiririzaamu.

Nti wadde Ssebaana abadde abeerawo awaka e Kansanga nga mulwadde ne bw’abadde nga tannalwala, abaddenga tamufaako nga mwana we era kye kisinze okumutawaanya nti afudde talina kinene ky’akoze kumunyweza mu kika.

Awa abantu amagezi obuteegomba nnyo bagagga kubanga babeera n’ebizibu ababeegomba bye batayinza kumanya ng’omwo ne Ssebaana ky’ekiti mw’agwa.

Okwogera bino, Nkajja yabadde mu maka ga Ssebaana e Kansanga mu lumbe olwakumiddwa ku Lwokuna.

Bakira ayogera alaga ebitundu bingi ku nnyumba eyo okugeza nti; ekisenge ekisemba mu nsonda eri mwe n’asulanga, wali we nazannyiranga n’ebintu ebirala bye yabadde ayagala okulaga nti awaka amanyiiwo.

Kyokka alina we yayogeredde nti alina emyaka 32 ate n’agamba nti nnyina yafa 1977 ekyabadde ng’ekitegeeza nti, by’ayogera yabadde tabyekakasa.

Bwe yabuuziddwa ku kyo, yategeezezza nti okuva lwe baamwegaana ate nga ne nnyina yali afudde, kyamusukkako n’atandika okwerabira ebintu bingi.

Yamalirizza ng’agamba nti wadde bamwegaana, alifa amanyi nti azaalibwa Ssebaana kubanga ne nnyina yafa tamulaze taata mulala.

Agattako nti nnyina n’okufa, ye yali muto ng’era talina ngeri gye yandimulaze kitaawe mulala era ye gwe yakula naye ng’amugamba nti ye kitaawe (Ssebaana).

Bwe yabuuziddwa oba nga Ssebaana ayinza okuba yakuza mukuze n’okumuyambako mu bintu ebirala ng’omuntu ow’ekisa kyokka ye (Nkajja) n’amwesibirako ddala nti y’amuzaala, yazzeemu nti, bwe wabaawo abuusabuusa bagende bamuggyeko omusaayi.

Kyokka aba famire ya Sebaana baamwegaanyi nti tebamumanyi era abaviire.

More From The Author

Emboozi z’omuwandiisi endala

Emboozi endala

Abazannyi ba Police nga bajaganya.

Police efunvubidde ku kikopo

Airtel Kitara 2-3 URA Police 3-1 Onduparaka UPDF 2-0 Mbarara City POLICE FC obusungu bw’okukubwa Vipers ebumalidde...

Derrick Kakooza, eyateeba ggoolo ey'obuwanguzi ku Mauritania.

Hippos erwanira World Cup

Leero mu Africa U-20 Cup of Nations (Quarter) Cameroon -Ghana,1:00 Burkina Faso - Hippos, 4:00 ez'ekiro ...

Dorothy Nambi ng’ayigiriza omwana alina obukosefu okulabirira ennimiro.

Kw'olabira omwana alina obu...

Alwawo okwogera. Tasobola kuyiga bintu bya bulijjo ng’okuseka, okuba n’emikwano. lAtya nnyo naddala abantu abatali...

HAJJ SABIITI MUYIMBWA W’E KAYUNGA: Puleesa yanziba amaaso Kati emyaka 15 siraba.

Engeri okulonda ne Covid - ...

ABAAWANGUDDE n’abaagudde mu kalulu akaakaggwa bangi baakavuddemu balwadde entunnunsi. Ku bano bw’ogattako abo okweraliikirira...

Omukyala ng’akuuta bbebi ebinnyo.

Kozesa kigerekyampisi okuvu...

EBINNYO bwe bulwadde obukwata abaana abali wakati wa wiiki emu n’emyezi esatu. Omwana alwadde ebinnyo ebibuno biba...