TOP
  • Home
  • Amawulire
  • Omubuulizi bamututte mu kkooti lwa kukuba muntu n'amulumya

Omubuulizi bamututte mu kkooti lwa kukuba muntu n'amulumya

Added 24th July 2017

OMUBUULIZI w'ekkanisa ya St. James Mengo Kisenyi Godfrey Makhonje asimbiddwa mu maaso g’omulamuzi Juliet Harty Hatanga, owa kkooti ento ku LDC e Makerere n'asomerwa omusango gw’okukuba n’okulumya omuntu.

 Omubulizi Makhonje ng'afuluma akaduukulu ku kkooti ya LDC e Makerere. Mu katono nga bw'afaanana. EKIF: PONSIANO NSIMBI

Omubulizi Makhonje ng'afuluma akaduukulu ku kkooti ya LDC e Makerere. Mu katono nga bw'afaanana. EKIF: PONSIANO NSIMBI

OMUBUULIZI w'ekkanisa ya St. James Mengo Kisenyi Godfrey  Makhonje asimbiddwa mu maaso g’omulamuzi Juliet Harty Hatanga, owa kkooti  ento ku LDC e Makerere  n'asomerwa omusango gw’okukuba n’okulumya omuntu.

Kigambibwa nti nga 5, June, 2017  Makhonje yakuba Meddy Wamundu (35), n'amutuusako obuvune obwamaanyi ku mutwe.

Wabula omubulizi bw'asimbidwa mu kaguli omusango agwegaanye. Ng'ayita mu bannamateeka bw’obulabirizi bw'e Namirembe abakulembedwamu Fredrick.J. Mpanga asabye okweyimirirwa ku kakalu ka kkooti omulamuzi ky'akkirizza.

Abamweyimiride kubaddeko Rev. George William Kyeyune, omusumba w'e Katwe II mu Busaabadinkoni bw'e Mengo, Rev. Stephen Mpozza akulira akakiiko k'ebyettaka mu bulabirizi bw'e Namirembe ne Rev. Moses Kayimba ow'e Namasuba -Kikajjo.

Omulamuzi abasabye obukadde 3 mu mpeke n’obukadde 5 buli omu ezitali za mu buliw.

Wabula ono bwayimbuddwa atukidde awaka atukidde mu mizira nayimba ezitendereza omutonzi okuva mu bakulisitayo.

Makhonje yegaanye ebimwogerwako n'agamba nti abaamusibisizza bagaalwa kutwala ttaka lya kkanisa.

Yeebazizza bakama be ab'e Namirembe, famire ye n’Abakrisitaayo olw’okumubeererawo mu kaseera mbeera enzibu.

Omuwolereza wa Gavumenti Florence Birungi ategeezezza kkooti nti omusango gukyanoonyerezebwako era bw'atyo n'asaba omulamuzi agwongezeeyo.

Omusango guddamu  nga 17, August 2017.

More From The Author

Emboozi z’omuwandiisi endala

Emboozi endala

Minista Haruna Kasolo ng'asomesa ku kwekulaakulanya n'enkozesa y'ensimbi za MYOOGA

Abatuuze b'ekira basomesedd...

MINISITA omubeezi akola kunsonga z'ebibiina byobwegassi Kyeyune Haruna Kasolo, akubiriza abantu okwebereramu nga...

Aba Twaweza bafulumizza ali...

KUNOONYEREZA kuzudde nti ab’enganda okusaba abantu babwe sente okubayambako okuvvuunuka embeera kifuuse kyabulijjo...

Mwanje (wakati) nga "bamunywedde"

Ofiisa munsonyiwe nva kuziika!

MAKANIKA eyeeyise owa poliisi bamukutte n’alwanagana n’abaserikale ng’agamba nti tebalina kye bayinza ku mukola....

Abawawaabirwa, Christine Guwatudde Kintu, Joel Wajala , John Martin Owor  ne Lutimba Kyeyune Fred Martin nga bali mu kaguli

Bana basimbiddwa mu kkooti ...

Abakungu bana okuva mu ofiisi ya Ssaabaminisita abavunaanibwa okulya eza COVID19 basindikiddwa mu kkooti ewozesa...

Sazir Lumala disitulikiti Kaadi w'e Mukono ng'ayogera n'abamawulire ku poliisi e Mukono.

Disitulikiti Kaadi w'e Muko...

Bya ERIC YIGA POLIISI e Mukono ekutte disitulikiti Kaadi waayo Sheikh Sazir Lumala naggulwako omusango gw'okukozesa...