TOP
  • Home
  • Amawulire
  • Engeri takisi gye yatuze abawagizi b'essaza lya Bulemeezi 5 abalala 9 ne bamenyeka amagulu n'emikono

Engeri takisi gye yatuze abawagizi b'essaza lya Bulemeezi 5 abalala 9 ne bamenyeka amagulu n'emikono

Added 30th July 2017

ABAWAGIZI ba tiimu y’essaza lya Bulemeezi bagudde ku kabenje bataano ne bafiirawo ate abalala mwenda ne baddusibwa mu ddwaaliro n’ebisago ebyamaanyi.

 Takisi eyatuze abawagizi ba Bulemeezi FC nga bw'efaanana. EBIFAANANYI BYONNA BYA PADDY BUKENYA

Takisi eyatuze abawagizi ba Bulemeezi FC nga bw'efaanana. EBIFAANANYI BYONNA BYA PADDY BUKENYA

ABAWAGIZI ba tiimu y’essaza lya Bulemeezi bagudde ku kabenje bataano ne bafiirawo ate abalala mwenda ne baddusibwa mu ddwaaliro n’ebisago ebyamaanyi.

Akabenje kano kaagudde mu kibira ky’e Senene mu Gombe tawuni kanso mu Butambala ku luguudo oluva e Mpigi okudda e Gomba, mmotoka ya takisi nnamba UAZ 212D eyabadde ekubyeko abawagizi ba ttiimu y’essaza lya Bulemeezi bwe yalemeredde omugoba waayo n’egwa mu luwonko yonna n’esaanawo era abaalumiziddwa poliisi n’abatuuze baabatemyemu butemi nga bawagamidde mu mbaati za takisi.

Akabenje kaaguddewo ku ssaawa 8 ez’olweggulo.

Abaafudde kuliko; Zamu Nalubega omutuuze w’e Wobulenzi Luweero, abalala kutegeerekeseeko Kenneth , Sarah n’omuyizi nga bonna batuuze b’e Wobulenzi mu Luweero gattako ne ddereeva wa takisi eno, David Sserubbo ng’ono yafudde yaakatuusibwa mu ddwaliro ekkulu e Mulago gye yaddusiddwa ng’akutuseeko amagulu n’ekitundu ky’ekifuba.

Sserubbo abadde muganda w'eyaliko meeya w'e Wobulenzi, Tito Ddamulira

Densite ye ddereeva Sserubbo eraga ebimukwatako. EKIFAANANYI: MARY NAMBWAYO

 

Abaalumiziddwa kuliko Cossy Nambooze , Christine Nakidde ow’e Busula - Luweero, Gayita Ssenjovu ow’e Kawanda - Wakiso, Bashir Mudde ow’e Wobulenzi,  Eric Ntuluma omutuuze w’e Wobulenzi, Agnes Nakibuule ow’e Busula Luweero, Hasfah Nattabi ow’e Bulemeezi nga bano bonna baddusiddwa mu ddwaaliro ekkulu e Mulago nga bataawa.

Okusinziira ku baabaddewo ng’akabenje kano kagwawo baategezezza nti mmotoka eno yabadde ku misinde gya yiriyiri kyokka ng’oluguudo luseera oluvannyuma lw’enkuba okutonnya ng’ate oluguudo luno lukolebwa ekyaviiridde mmotoka okuseerera okukakkana ng’egudde mu mwala ogutwala amazzi.

Poliisi y’e Gombe ne ginnaayo ey’e Kibibi yatuuse mu kifo kino kyokka yafunye akaseera akazibu okuggyamu abaalumiziddwa.

Bakira abaalumiziddwa balaajana okutuusa abatuuze bwe baayambyeko ku Poliisi ne batema emmotoka ne babaggyamu ne basooka babaddusa mu ddwaliro ly’e Gombe gye baggyiddwa ne batwalibwa e Mulago nga bataawa.

Abantu bana baafudde baakatuusibwa mu ddwaliro e Gombe ekyaggye abantu mu mbeera ne balumba poliisi nga bagisaba ambyulensi babatwale e Mulago kyokka bwe yaleeteddwa ne banoonya ddereeva waayo nga taliiwo olwo ne bongera okutabuka era katono bagajambule abapoliisi abaabaddewo n’abasawo b’eddwaaliro nga babalanga bulagajjavu.

Abawagizi ba Bulemeezi FC nga basimbye emmotoka ku ddwaaliro okutaasa bannaabwe abaagudde ku kabenje

 

Wabula poliisi yabakkakkanyizza abalwadde ne batikkibwa ku kabangali yaayo ne baddusibwa e Mulago nga bataawa.

 Abawagizi baabadde bagenda Kabulassoke kuwagira mupiira nga badding'ana ne Gomba mu 'quarter' z'amasaza. 

 

More From The Author

Emboozi z’omuwandiisi endala

Emboozi endala

Abazannyi ba Police nga bajaganya.

Police efunvubidde ku kikopo

Airtel Kitara 2-3 URA Police 3-1 Onduparaka UPDF 2-0 Mbarara City POLICE FC obusungu bw’okukubwa Vipers ebumalidde...

Derrick Kakooza, eyateeba ggoolo ey'obuwanguzi ku Mauritania.

Hippos erwanira World Cup

Leero mu Africa U-20 Cup of Nations (Quarter) Cameroon -Ghana,1:00 Burkina Faso - Hippos, 4:00 ez'ekiro ...

Dorothy Nambi ng’ayigiriza omwana alina obukosefu okulabirira ennimiro.

Kw'olabira omwana alina obu...

Alwawo okwogera. Tasobola kuyiga bintu bya bulijjo ng’okuseka, okuba n’emikwano. lAtya nnyo naddala abantu abatali...

HAJJ SABIITI MUYIMBWA W’E KAYUNGA: Puleesa yanziba amaaso Kati emyaka 15 siraba.

Engeri okulonda ne Covid - ...

ABAAWANGUDDE n’abaagudde mu kalulu akaakaggwa bangi baakavuddemu balwadde entunnunsi. Ku bano bw’ogattako abo okweraliikirira...

Omukyala ng’akuuta bbebi ebinnyo.

Kozesa kigerekyampisi okuvu...

EBINNYO bwe bulwadde obukwata abaana abali wakati wa wiiki emu n’emyezi esatu. Omwana alwadde ebinnyo ebibuno biba...