TOP
  • Home
  • Agebwelu
  • Wuuno genero eyakoze olukwe olwawambye Mugabe

Wuuno genero eyakoze olukwe olwawambye Mugabe

Added 16th November 2017

Gen. Chiwenga ffa nfe wa Mnangagwa era kigambibwa nti n’okudduka mu Zimbabwe, enteekateeka zonna zaakolwako Mnangagwa ng’amuteekateeka okumukwasa obuyinza olwa kye yayise Mugabe okubayisaamu olugaayu ng'akwasa mukazi we entebe.

 Gen. Constantino Guveya Dominic Nyikadzino Chiwenga

Gen. Constantino Guveya Dominic Nyikadzino Chiwenga

Ng’oggyeeko okugobwa mu kibiina abantu abateeberezebwa okubeera abawagizi ba Mnangagwa, waliwo ebibinja by’abavubuka abawagizi ba muka Mugabe, ababadde batandise effujjo ku bantu, okutiisatiisa n’okulengezza abawagizi ba Mnangagwa okwetoolola Zimbabwe era bano amagye be gaayogeddeko “ng’abamenyi b’amateeka” era abamu baakwatiddwa dda.

Embeera eno ye yatuusizza omuduumizi w’amagye, Gen. Constantino Guveya Dominic Nyikadzino Chiwenga 61 okuvaayo n’obukambwe ku Mmande nga November 13, 2017 n’atuuza olukung'aana lw’abebyokwerinda mwe yasomedde ekiwandiiko ng’alabula ku bikolwa eby’okutulugunya abawagizi b’abamu ku bammemba ba ZANU PF. Gen. Chiwenga yagambye nti, amagye tegagenda kulonzalonza okuyingirawo okutereeza embeera singa ebikolwa eby’effujjo, okutulugunya n’okutiisatiisa abawagizi b’abamu ku bammemba aba ZANU - PF kugenda mu maaso.

Yagasseeko nti ng’ekibiina kyetegekera olukuhhaana ttabamiruka, buli mmemba ateekwa okuweebwa omukisa okuvuganya mu bwenkanya.

Bino Gen. Chiwenga okubyogera ng’asuubirwa nti emikutu gya Gavumenti egy’amawulire okuli ttivvi y’eggwanga, Zimbabwe Broadcasting Corporation (ZBC), leediyo n’empapula z’amawulire zigenda okubiweereza eri eggwanga, abantu bamanye amagye we gayimiridde, kyokka kyamubuuseeko bwe yabadde yaakamala okwogera, abayambi be ne bakamutema nti kyenkana abadde yeeyogeza yekka kubanga ‘Above’ agaanyi emikutu gy’empuliziganya egya Gavumenti okubiweereza mu bantu. Mu Zimbabwe, ekigambo 'Above' babadde bakikozeseza nnyo ku biragiro bya Mugabe oba mukazi we.

Kino kyaggwe Gen. Chiwenga mu mbeera era kwe kulagira amagye ku Lwokubiri okweteekateeke okuyingira ekibuga nga yasoose kulagira ttanka z’amagye nnya ne ziyingira ekibuga Harare ku ssaawa nga 9:00 ez’olweggulo n’oluvannyuma abajaasi nga 300 nga bali ku loole ez’amagye ne basalako ekitebe kya Zimbabwe Broadcasting Corporation (ZBC) okuli ttivvi ne leedyo y’eggwanga.

Abakozi abasinga naddala bamanaja baakwatiddwa, olwo amagye ne gasigala nga ge gasalawo ebigenda ku mpewo.

Ku ttivvi y’eggwanga, omwogezi w’amagye Maj. Gen. Sibusiso Moyo kwe yasinzidde eggulo ku makya n’alangirira nti, amagye gaabadde gasazeewo okuyingirawo nga bwe gaalabula ku Mmande kubanga embeera evudde mu nteeko olw’abamenyi b’amateeka abali ku lusegere lwa Mugabe.

Maj. Gen. Moyo yasoose kunnyonnyola nti, amagye kye gakoze ssi kuwamba buyinza n’akakasa nti, Mugabe akyali Pulezidenti era omuduumizi w’amagye ow’oku Ntikko era ali bulungi ne famire ye kyokka abantu abakyamu abamwetooledde, amagye be gajjiridde nga bwe ganaamala okubakolako nga buli kimu kidda mu nteeko.

Gen. Chiwenga ffa nfe wa Mnangagwa era kigambibwa nti n’okudduka mu Zimbabwe, enteekateeka zonna zaakolwako Mnangagwa ng’amuteekateeka okumukwasa obuyinza olwa kye yayise Mugabe okubayisaamu olugaayu ng'akwasa mukazi we entebe.

More From The Author

Emboozi z’omuwandiisi endala

Emboozi endala

Abasomesa nga baweebwa ebigezo by'amasomero gaabwe.

Enkuba teremesezza bigezo k...

Wadde ng'enkuba yakedde kutonnya mu bitundu by'omu disitulikiti y'e Kalungu teyalemesezza bakulu b'amasomero kunona...

Omuzibizi wa Arsenal eyafun...

Tierney yafunye obuvune mu vviivi era asuubirwa okumala ebbanga eriwerako nga tazannya wabula Arteta agamba nti...

Bassita ba Leicester bameny...

TTIIMU ya Leicester eraze lwaki abazannyi baayo basatu baayo basatu tebaazannye mupiira gwa Premier, West Ham bwe...

Wabaddewo vvaawompiteewo n...

WABADDEWO vvaawompiteewo ku kisaawe kya MTN Arena e Lugogo ng'abakungu ba FUFA balondesa abakulembeze b'omupiira...

Abamu ku bayizi be basabidde.

Abayizi ba S.6 babuuliriddw...

ABAYIZI ba S6 babuuliriddwa okutwala ebigezo eby'akamalirizo bye batandika enkya ng'ensonga kuba kati batandise...