TOP
  • Home
  • Amawulire
  • Abantu 3 ku 182 abaakwatibwa mu Kisenyi bassiddwa ku fayiro y'okutta Magara

Abantu 3 ku 182 abaakwatibwa mu Kisenyi bassiddwa ku fayiro y'okutta Magara

Added 6th May 2018

AB’EKITONGOLE kya CMI ne ISO nga bakolagana ne poliisi basunsudde 182 abaakwatirwa mu muzikiti gw’omu Kisenyi okutandika entegeka z’okubaggulako emisango.

Susan Magara

Susan Magara

Ku bano kuliko abantu basatu be baazudde nti beetaba butereevu mu kuwamba n’okutta omuwala Susan Magara era bo bagenda kussibwa, ku fayiro ya Magara bavunaanibwe olw’ettemu lino n’abantu abalala abaalyetabamu.

Poliisi yagaanyi okwatula amannya g’abantu bano kyokka n’egamba nti bagiyambye nnyo okumanya ebintu bingi n’okufuna obujulizi obuwerako mu misango gw’okutta Magara era nga bye baayogedde biyambe okukwata abantu abalala bangi nga n’abeekwese babanoonya bakwatibwe.

Mu kusunsula kuno era abeebyokwerinda baalondobyemu abantu 24 be baafunyeeko obukakafu nti batujju.

Kyazuuliddwa nti abantu bano babadde n’akakwate n’obubiina obw’enjawulo obw’abatujju era nga babadde beenyigira mu kuyingiza abaana abato mu bikolwa by’ekitujju nga bayita mu kubatendeka eddiini.

Ensonda mu CMI zaategeezezza nti abantu bano 24 babadde balina obubondo obw’enjawulo mu bituindu nga Iganga, Bugiri ne Namutumba nga bwe beeyambisa okukuhhaanya abaana okuviira ddala ku myaka 5 okutuuka ku 18 okubatendeka obutujju.

Abaana 108 be baasunsuddwa era kyasaliddwaawo nti abali wakati w’omwaka ogumu n’emyaka etaano baweebwe ba nnyaabwe olwo abawezezza emyaka 18, basooke beekenneenyezebwe okumanya engeri gye batuuka mu kifo ekyo ne kye babadde bakolamu.

Waliwo n’abakazi 50 ab’ebyokwerinda be bali mu kwekenneenya okulaba engeri gye batuuka mu kifo kino ne kye babadde bakolamu.

Abantu bano olwamaze okusunsulwamu ne batwalibwa mu bifo eby’enjawulo ebitannamanyika gye banaggyibwa okutwalibwa mu kkooti.

More From The Author

Emboozi z’omuwandiisi endala

Emboozi endala

Ab'e Kawempe balaajanye ku ...

okulaajana kuno baakukoze oluvannyuma lwa Ahmed Lukwago eyeegwanyiza ekifo ky’obwa kkansala bw’omuluka guno okukulemberamu...

Wakayima atangaazizza ku mp...

"Nze Wakayima Musoke Hannington Nsereko era abo abatidde akalulu bakkakkane kuba ffirimbi yavugga dda Kati tulinze...

Ennyumba y'oku kiggya abamu ku b'Engabi gye baagala Yiga aziikibwe. Ebifaananyi bya JOHN BOSCO MULYOWA

Abengabi beeyawuddemu ku by...

ABAKADDE b’ekkanisa ya Pasita Abizzaayo Yiga eggulo baatudde mu lukiiko olw’amangu olw’enkaayana ezaabaluseewo...

Paasita Bujjingo ng'agumya Jengo, mutabani w'omusumba Yiga

Ebiri mu katambi ka Paasita...

Ku Ssande nga October 25, 2020, Ssenyonga yasinziira mu kusaba mu kkanisa ye n’alumba abasumba ab’enjawulo omwali...

Paasita Ssennyonga ng'agugumbula Yiga mu lukung'aana lwa bannamawulire lwe yatuuzizza ku kkansisa ye

Okufa kwa Yiga kusajjudde e...

AKATAMBI Pasita Ssenyonga ke yakutte nga Yiga tannafa kongedde okusiikuula abasumba ne beetemamu ng’abamu boogerera...