TOP
  • Home
  • Ageggwanga
  • Museveni agguddewo olutalo oluggya ku siriimu: 2030 we gunaatuukira ng'afuuse lufumu mu Uganda

Museveni agguddewo olutalo oluggya ku siriimu: 2030 we gunaatuukira ng'afuuse lufumu mu Uganda

Added 21st October 2018

PULEZIDENTI Museveni atongozza kaweefube ow’enjawulo agenderera okumalirawo ddala Siriimu omwaka 2030 we gunaatuukira.

 Museveni ng'atuuka e Isingiro okutongoza kampeyini y'okulwanyisa siriimu mu ggwanga

Museveni ng'atuuka e Isingiro okutongoza kampeyini y'okulwanyisa siriimu mu ggwanga

Yeyambisizza omukolo guno okujjukiza Bannayuganda nti olutalo lw’okulwanyisa Siriimu okumumalawo luli mu kutambulira mu makubo ga kwewala kukwatibwa bulwadde buno.

Bino yabyogeredde ku kitebe kya disitulikiti e Isingiro  ng’atongoza kaweefube ono n’agamba nti olw’okuba Siriimu talina ddagala kyetaaga abantu essira balisse ku kumwewala.

Omukolo gwetabiddwaako abantu okuva mu disitulikiti 28 ez’obukiika ddyo bwa Uganda.

Museveni yagambye  nti atandise kaweefube omupya ow’okulwanyisa Siriimu oluvannyuma lw’okukizuula nti abakwatibwa bazzeemu okweyongera.

Yagambye nti kaweefube omupya agendereddwa kuddamu kujjukiza Bannayuganda nti Siriimu akyaliwo. N’agamba nti essira lirina kussibwa ku kumwewala n’okuwa abamulina eddagala erimuweweeza.

Yagambye nti omuntu bw’aba ku ddagala emikisa ky’okusasaanya Siriimu gikendeera.

Yakubirizza abantu okujjumbira okwekebeza kuba kiyamba abantu okutegekera obulamu bwabwe. N’agamba nti wadde eddagala eriweweeza Siriimu we liri ng’olumu liyisa obubi n’abalikozesa kyokka liwangaaza abalina akawuka.

Minisita w’ensonga z’Obwapulezidenti, Esther Mbayo y’avunaanyizibwa ku kaweefube ono.

Museveni yagambye nti kaweefube omupya waakuzingiramu n'abasajja okulaba nga beetaba mu by’okutangira okumusasaanya, okukendeeza omuwendo gw’abaana abamufuna okuva ku bannyaabwe, okubeerawo kwa ssente za pulogulaamu z’okulwanyisa Siriimu.

More From The Author

Emboozi z’omuwandiisi endala

Emboozi endala

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...

Bannayuganda muve mu tulo -...

PULEZIDENTI Museveni akunze Bannayuganda okuva mu ttulo bataandike okusala amagezi g’okunoonya obuggagga n’asaba...

Gavana Mutebile

COVID19 ayigirizza Bannayug...

GAVANA wa bbanka enkulu Tumusiime Mutebile agambye nti Bannayuganda bagenda kukendeeza ku kumala gasasaanya nsimbi...

Nunda yeesize Katonda ku ky...

JACKSON Nunda olukutudde ddiiru ne URA FC n’asuubiza okuddamu okwaka nga bwe yali nga tannafuna buvune mu KCCA...

Golola

Golola alidde ogwa Tooro Un...

OMUTENDESI Edward Golola olumuwadde omulimu gwa Tooro United FC n’akomyawo banne bwe baawangula ekikopo ky’Essaza...