TOP

Global Trust Bank lwe yaggalwa lwe baagitunda

Added 5th December 2018

SSENTEBE w’akakiiko akavunaanyizibwa okulondoola emirimu gy’ebitongole bya Gavumenti aka COSASE, Abdu Katuntu yawaliriziddwa okuyimiriza olukiiko nga terunnaggwa n’alagira abakulira Bbanka Enkulu bagende banoonye ebiwandiiko kwe baatundira Global Trust Bank.

 Bagyenda wakati ng'aliko by'annyonnyola akakiiko

Bagyenda wakati ng'aliko by'annyonnyola akakiiko

Ababaka beewuunyizza lipooti eyakolebwa omubalirizi w'ebitabo bya Gavument mu 2006 okutegeeza nti nga July 25, 2014 kwe baggalira Global Trust Bank era kwe baagiguliza bbanka ya DFCU.

Aba Bbanka Enkulu baabasabye okuleeta ebiwandiiko ebiraga engeri gye baatundamu bbanka n'engeri gye baatuuka okusalawo nti DFCU ye yali esinze endala bwe baavuganya mu kugula nga tebabirina.

Justine Bagyenda eyali akulira okulondoola emirimu gya Bbanka yategeezezza nti yabadde takyajjukira oba nga waliwo empapula eziraga ebyateesebwanga.

Yasabye aweebweyo ekiseera asooke yeebuuze ku be yakolanga nabo.

Yagasseeko nti tamanyi lwaki ofiisi y'omubalirizi wa Gavumenti tebaamutuukirako bwe baali babuuliriza ku by'okuggala Bbanka kuba mu kiseera ekyo yali akyali mukozi wa Bbanka Enkulu.

Ebigambo bye Katuntu yabijunguludde bwe yaleese ebbaluwa eraga olunaku abakozi ba ofiisi y'omubalirizi w'ebitabo bya Gavumenti we baasisinkanira aba Bbanka Enkulu ng'olukiiko Bagyenda yennyini ye yaluggulawo era n'alukubiriza.

Katuntu yawaliriziddwa okuyimiriza olukiiko ng'obudde bulijjo kwe bannyukira tebunnatuuka n'alagira abakulira Bbanka Enkulu okunoonya ebiwandiiko byonna bye baabadde babasabye.

Olukiiko nga lutandika, Moses Kasibante (Lubaga North) yasoose kusaba Katuntu batangaazibwe oba nga Bagyenda yabadde amaze okuwaayo Paasipooti eri Palamenti nga bwe yabadde alagiddwa ekintu ekyakoleddwa.

Akakiiko era kaasabye aba Bbanka okuleeta omugatte gw'omuwendo gwa ssente zonna ze baakassa mu bbanka ezaggalwa.

More From The Author

Emboozi z’omuwandiisi endala

Emboozi endala

Pulezidenti Museveni e Bukedi.

Museveni akunze abavubuka k...

PULEZIDENTI Museveni asabye abavubuka okulonda abakulembeze abalina entegeka z'okubaggya mu bwavu okusinga okwesiba...

Olivia Nakyeyune (ku kkono), maama wa Bogere, Enabu, Kiplimo ne Dr. Rukare.

Muve ku masanyu mukuze ttal...

SSENTEBE w'akakiiko ka NCS, akatwala emizannyo mu ggwanga, Dr. Donald Rukare, akuutidde bannabyamizannyo okulemera...

Abazannyi ba KCCA (ku kkono) mu mupiira gw'omukwano ne ttiimu y'eggwanga eya U17. KCCA yawangudde (5-1).

Bright Stars ne KCCA ziggud...

Bright Stars - KCCA e Kavumba 10:00 ENNYONTA abawagizi ba liigi ya Uganda gye babadde nayo eggwaawo leero, era...

Decolas Kiiza, amyuka akulira emirimu mu FUFA, ng'alambuza abaakakiiko k'Amasaza. Wakati ye Ssejjengo ne Ssekabembe (amuddiridde mu ssuuti).

Ab'Amasaza balabuddwa

ABAKAKIIKO akategeka empaka z'Amasaza balabudde okugoba abazannyi n'abakungu ba ttiimu abanaatoloka mu nkambi awagenda...

Abantu nga badduka okulaba ku Bobi Wine.

Abantu b'e Iganga beeyiye k...

Bobi ng'azina n'abawagizi be. Yali Ggulu gye buvuddeko. Abantu mu bitundu by'e Iganga beeyiye ku nguudo bwe bawulidde...