BAKANSALA b’e Makindye nga bakulembeddwaamu omubaka wa Makindye Gast John Ssimbwa n’abatuuze batabukidde meeya waabwe Ian Clarke olw’enguudo embi. Nga bali mu lukiiko olwatudde ku ssomero lya St. Johns Primary School e Kabalagala bakansala abaabadde basisinkanye meeya okwogera ku nguudo embi n’ebyokwerinda by’ekitundu kya Makindye baatabuse okukkakkana ng’olukiiko luwedde tebatuuse ku nteeseganya.
Meeya yasomye olukalala lw’enguudo ezigenda okukolebwa era ekyanyiizizza bakansala bwe butawulira luguudo lw’e Kabalagala lwe bagamba nti baludde nga balwemulugunyako olw’embera gye lulimu embi. Baamusabye bamulambuze enguudo ezaalekeddwa okuli olw’e Kabalagala oluyita mu Kataba ne Kibuli kyokka baabadde baakatambulako ne basanga abatuuze abeekalakaasa nga basibye ebitooke mu kkubo naye ne yeekandagga n’agenda.
Batabukidde Meeya Clarke ku nguudo embi
