TOP

Ssemaka akwatiddwa lwa kusobya ku kiggala atenneetuuka!

Added 17th March 2016

Ssemaka akwatiddwa lwa kusobya ku kiggala atenneetuuka!

 Omusajja agambibwa okusobya ku kiggala atanneetuuka ng'atunula binsobedde ku poliisi

Omusajja agambibwa okusobya ku kiggala atanneetuuka ng'atunula binsobedde ku poliisi

POLIISI y’e Kitebi ekutte omusajja kaggwa ensonyi eyakkakkanye ku mwana  kiggala  (kasiru) ow’emyaka 13 n’amukaka akaboozi.

Jimmy Kalyango 34 omutuuze w’e Kabowa mu zooni ya Ssembule B y'akwatiddwa oluvannyuma lw’okutwala omwana  Firidausi Nanteza ow’emyaka 13 ng’ono kiggala n’amukaka omukwano.

Kalyango okukwatibwa waliwo omutuuze Asman Kawooya  eyabadde ali ku atambula amakubo ge  eyawulidde kassiru ng’alaajanira mu kiyumba ekikadde okumpi n’oluguudo lw’eggaali y’omukka mu Ndeeba.

Yayanguye okulingiriza mu kiyumba era kwekusanga Kalyango nga  yeebase ku Nanteza ng’ate ali bukunya kwekukuba enduulu abatuuze ne beesomba, baakutte Kalyango ne bamuyisaamu ensambaggere  n’empi era Kawooya yayanguye okukubira poliisi y’e Kitebi essimu eyazze n’emutaasa ku batuuze n’atwalibwa ku poliisi e Kitebi gyakuumirwa kati.

Nanteza mu lulimi lw’okugezesa yalaze  nga bulijjo Kalyango bw’agezaako  okumusooberera okumukozesa wabula ng’adduka okutuusa bweyamukwasizza n’amukozesa, ono yatwaliddwa ku ddwaaliro lya poliisi erya May fair e Najjanankumbi n'akeberebwa era nekizuulibwa nga yakozeseddwa mu by’omukwano.

Akulira ba mbega ku poliisi e Kitebi Francis Kateega ategeezezza  agamba nti bamaze okukasa nti Kalyango yasobezza ku Nanteza  nti era kati banoonya muntu anaabayambako okutaputa olulimi lwa Nanteza olwa ba kiggala, olwo Kalyango atwalibwe mu kkooti avunaanibwe ogw’okusobya ku mwana atanetuuka oguli ku fayiro SD: 30/16/03/16.

More From The Author

Emboozi z’omuwandiisi endala

Emboozi endala

Ntambi ng'atwalibwa mu kkomera e Luzira.

Sylvia Ntambi owa Equal Opp...

Omulamuzi Pamela Lamunu  owa kkooti ewozesa abalyake n'abakenuzi e Kololo  asindise Muweebwa mu kkomera bwalemeddwa...

Kalenda okuli ebifaananyi bya Yiga

Olumbe lwa Pasita Yiga balu...

Mu lumbe lwa pasita Yiga abatunda eby'okulya, masiki n'abatunda t-shirt okuli ekifaananyi ky'omugenzi bali mu keetalo...

Kaadi y'embaga ya Ramond ne Joy.

Abadde agenda okukuba embag...

Kigambibwa nti omugenzi baamuddusizza mu ddwaaliro Iya IHK abasawo gye bakizuulidde nti omusaayi gubadde gumaze...

Paasita Yiga ng'ali n'abagoberezi be

Ebintu by'azze apanga okufu...

OMU ku baali abakubi b’endongo mu Revival Band yagambye nti, yagyegattako mu 2014 kyokka nga baalina ekizibu ky’okuba...

Pasita Yiga ng’abuulira enjiri.

Engeri Yiga gye yeeyubula o...

AUGUSTINE Yiga ‘Abizzaayo', yazaalibwa mu maka maavu, n'alaba embaawo nnya zokka, tebyamulobera kwetetenkanya kufuuka...