TOP

Abakugu boogedde ekyaviirako ekizimbe ky'e Makerere okutta abantu

Added 14th April 2016

Abakugu boogedde ekyaviirako ekizimbe ky'e Makerere okutta abantu

 Abakungu okuva mu UNBS nga beetegereza ebyakozesebwa mu kuzimba.

Abakungu okuva mu UNBS nga beetegereza ebyakozesebwa mu kuzimba.

ABAKUGU mu kitongole ekivunaanyizibwa ku mutindo gw’ebintu ebikozesebwa mu ggwanga, UNBS bagambye nti emitayimbwa egyakozesebwa okuzimba ekizimbe ekyasse abantu e Makerere, gyali gyawerebwa dda.

“Bw’olaba emitayimbwa egyakozesebwa olabira ddala ng’akabenje kaavudde ku bugayaavu bw’omugagga nnannyini kizimbe ne yinginiya kuba emitayimbwa gye baakozesa gyawerebwa dda mu Uganda kubanga minafu nnyo”, John Ssanyu avunaanyizibwa ku bikozesebwa mu kuzimba okuva mu UNBS bwe yategeezezza.

Yagambye nti omusenyu ogwakozesebwa gwali mungi n’amayinja okusinga seminti nga n’empagi eziwanirira ekizimbe nga temuli seminti amala. Yagambye nti baatutte ebifunfugu okuzuula ekika kya seminti eyakozesebwa balabe oba yali mutuufu.

Mu kiseera kye kimu amyuka akulira ekitongole kya poliisi ekizikiriza omuliro, Hassan Kihanda yagambye nti baaleese embwa eziwunyiriza okuzuula emirambo egikyasigaddeyo.

Yagambye nti mbwa zirina obusobozzi okuwunyiriza omuntun wamu n’ebyuma nga n’ekifo awali mmotoka bajja kutegeerawo. Abantu abaafudde bakyali bana ng’abapooca n’ebisago bali mukaaga nga waliwo n’omulala Airpal Bansal eyatwaliddwa mu ddwaaliro e Mulago n’ebisago bye yafunye okuva mu kizimbe. Abajjanjabirwa mu ddwaaliro e Mulago abasawo bagamba nti batandise okufunawo enjawulo

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...