TOP

Eyayokya mukazi we asidi e Lugazi bamukwatidde Mpigi

Added 18th June 2016

Eyayokya mukazi we asidi e Lugazi bamukwatidde Mpigi

 Muluuta (ku kkono) nga yakakwatibwa.

Muluuta (ku kkono) nga yakakwatibwa.

OMUSAJJA agambibwa okuyiira mukazi we n’omwana asidi e Lugazi n’adduka, bamukwatidde wa mukwano gwe e Mpigi n’agamba nti yakikoze mu busungu oluvannyuma lw’omukyala okugaana okumuddira .

Geofrey Muluuta 30, abeera e Geregere, Lugazi ng’abadde mukozi mu kkampuni ya SCOUL, yasangiddwa n’ebisago bya asidi eyamuyiikira mu kyenyi. Olwamukutte n’agamba nti omukazi yamunyiiza kuba obukwakkulizo bwonna bwe yamuteerawo yabutuukiriza kyokka n’agaana okudda awaka naye kwe kusalawo okumwesasuza.

Abatuuze be baatemezza ku poliisi y’e Buwama mu Mpigi oluvannyuma lw’okumwekengera ng’ate n’abamu baabadde bawuliddeko nti gye yavudde aliko ebikolobero bye yakoze. Muluuta olwalabye poliisi yagezezzaako okudduka kyokka n’emukwata. “ Mukazi wange Phiona Nabumba nnali mwagala n’omwana Vanesse Namuswe, era bwe yanoba ne mpulira bubi. Ekyasinga okummalako amagezi kwe kuwulira nti yafunye omusajja omulala mu wooteeri gy’akolera nange kwe kugendayo muwooyewooye akomewo.

Twakkaanya nti ebyasoba tubiveeko nakkiriza okudda kyokka oluvannyuma n’anneefuulira n’agaana okudda,” bwe yategeezezza. Yasoose kugaana nti si ye yamuyiiridde asidi kyokka oluvannyuma n’agamba nti yawulidde ebintu ebiyiika ne yeekanga n’adduka era abantu bwe baamugobye ne yeekweka ewa mukwano gwe e Buwama.

Mukwano gwa Nabumba agamba: Yamuliimisa emirundi esatu okutuusa bwe yamukwasizza n’amuyiira asidi eyakwasizza n’omwana. Agamba nti yali tagenderedde kuyiira mwana kyokka maama we ye yali amusitudde n’amukwatiramu.

N’agamba nti Muluuta ebbuba lye lyamusukka. Sse nte zaabatambudde: Muluuta agamba nti omukazi yamusaba 40,000/- okugula ensawo ey’okussaamu engoye ez’okuddizaamu ebintu n’amuwa 30,000/- kyokka ensawo teyagigula era natadda. Baali bakkaanyizza nti bw’akomawo bajja kugenda mu bazadde e Gomba okukyala. Muluuta yasooka kukolera mu faamu emu e Buwama gye yasisinkana Nabumba n’amuwasa

More From The Author

Emboozi z’omuwandiisi endala

Emboozi endala

Minisita Muyingo n'abamu ku bakulira amasomero. Baali bava mu lukung'aana olumu gye buvuddeko.

Minisitule y'Ebyenjigiriza ...

MINISITULE y’ebyenjigiriza ezzeemu okwekenneenya n’efulumya ebiragiro ebipya ng’abayizi ba P6, S3 ne S5 nga baddayo...

Allan Bukenya ng’alaga ennyama ense.

Kola ebyokulya mu nnyama en...

OSOBOLA okukola ebyokulya eby'enjawulo mu nnyama ense eri ku mutindo n'ogaziya bizinensi y'okuliisa abantu. ...

Emmotoka etadde ebitongole bya Gavumenti mu kaseera akazibu ku ngeri gye yayingira mu ggwanga.

Ebizuuse ku mmotoka ya Bobi...

EMMOTOKA ya Kyagulanyi gye yayanjulidde abawagizi be n'abategeeza nti teyitamu masasi aleese akasattiro mu bitongole...

Akalippagano ku nkulungo y’e Naalya.

▶️ Abakozesa Northern By ...

ABANTU abakozesa oluguudo lwa Northern By Pass balojja akalippagano k'ebidduka akali ku luguudo luno okuva bwe...

Ategeka (mu ssuuti) n’Abakristu b’e Namataba nga balambula omulimu gw’okuzimba Klezia.

Klezia y'e Namataba yaakuma...

ABAKRISTU b'ekisomesa kya St. Charles Lwanga e Namataba - Kirinya mu Divizoni y'e Bweyogerere basabye abazirakisa...