TOP

Mubarack Munyagwa ayimbudde abavubuka abatadde abatuuze ku bunkenke

Added 27th June 2016

Mubarack Munyagwa ayimbudde abavubuka abatadde abatuuze ku bunkenke

 Abavubuka abagambibwa okuletebwa Munyagwa kokkuuma ekibira kye mu katono ye Munyagwa

Abavubuka abagambibwa okuletebwa Munyagwa kokkuuma ekibira kye mu katono ye Munyagwa

 MUNYAGWA ayiye bavubuka b’obusaale mu kibira kyakaayanira ne NFA ne bagoba abatuuze ababadde balimirayo omuceere ne bawanjagira poliisi ye Mpigi ebayambe ku bavubuka ba munyagwa ababakuba ne babawambako n'ebintu byabwe.

Omubaka wa Kawempe South Mubarak Munyagwa amanyiddwa nga Mugaati gwa Bata ayiye abavubuka abakubi b'emiggo n’obusaale mu kibira kya Luwafu Forest Reserve kyakayanira ne NFA ekisangibwa ku bizinga bye Bunjako mu gombolola ye Buwama mu Mpigi ne bagobayo abatuuze bonna ababadde balimirayo nebawanjagira poliisi ebayambe kuba webalima babadde baapangisawo bebibira aba NFA.  

Abatuuze nga bagezaako okunnyonnyola poliisi ebizibu byebayitamu okuva mu bavubuka ba Munyagwa

Abavubuka bano abeffujjo abakulembeddwamu akola nga maneja wa Munyagwa bakubye enkambi mu kibira kino era nga bakeera kukitalaaga kibira nga nebwebasangamu akyabamu enku bamugoba nebawamba byabadde nabyo era tebakyakkiriza muntu kusalimbirayo wadde nga abatuuze abasinga babadde balimirayo emmere ne yiika z’omuceere eziwerako ekibawaliriza okwekubira enduulu eri poliisi ye Mpigi kuba ekibira babadde baakipangisa ssente ku bakuumi baakye aba NFA.

 Ekibira kino kikaayanirwa Munyagwa nabekingole kyebibira ekya NFA nga Munyagwa agamba nti yakugula yiika 50 era nebiwandiiko abirina wabula nga aba NFA bakyalemeddeko nga bagamba nti kino kibira kya gavumenti nti Munyagwa yakifuna mu Bukyamu.  

Abavubuka ba Munyagwa nga bakutte obusaale

DPC wa Mpigi Ahmed Kimera Sseguya agenze mu kibira nasisinkana abatuuze ababadde balimira mu kibira kino nebamutegeeza nga bwebatakyalya kuba abasajja ba Munyagwa tebakyabakkiriza kulinnya mu nnimiro zaabwe era naasaba Charles Mutaasa (menejja wa Munyagwa) okuteesa nabatuuze babawe ebanga lyokujjamu ebintu byabwe wabula nagamba nti NFA ekyalemeddwa okureeta ekyapa kyettaka lino ngte Munyagwa yabireeta dda era nti mu kiseera kino yenannyini ttaka kuba yeyakalaga ebiwandiiko byawo.  

Ssentebe wekyalo kye Bugoma ewasangibwa etteka lyer kibira erikayaanirwa Paul Byekwaso asabye Munyagwa ateekewo akakiiko kabantu abaddukanya ekibira abanateesa anabatuuze baleke kubagobaganya ngate balinamu ebyabwe.

Omusirikale ng'alaga ekintundu ekikaayanirwa

Manejja wa Munyagwa Mutaasa agambye nti Siraaje eyeyita owa NFA yeyafera abatuuze nabaggyako ssente zaabwe nti abapangisa mu kibira kya gavumenti ngate tamanyi nananyinikyo era nabawa amagezi okumunoonya bamukwate aseseme ssente zaabwe.

More From The Author

Emboozi z’omuwandiisi endala

Emboozi endala

Aba NRM e Wakiso baagala Mu...

ABA NRM mu Wakiso basabye Pulezidenti Museveni alung’amye ababaka nga balonda Sipiika wa Palamenti. Baagambye nti...

Abazinyi nga basanyusa abantu.

Kibadde kijobi nga Fr. Kyak...

EMBUUTU zibuutikidde ekifo ekisanyukirwamu ekya John Bosco Ssologgumba e Lukaya mu Kalungu. Zino zipangisiddwa...

Bannyabo

▶️ BANNYABO:Lwaki abazadde ...

▶️ BANNYABO:Lwaki abazadde batugobya abaami baffe?

Akeezimbira

▶️ AKEEZIMBIRA; Enkokoto en...

▶️ AKEEZIMBIRA; Enkokoto entuufu gy'osaanidde okuyiwa ku kizimbe.

Bannyabo; Nakazinga ng'annyonnyola

▶️ BANNYABO; Abazadde bwe b...

▶️ BANNYABO; Abazadde bwe bakugaana omwami weeyisa otya?