TOP

Bayombye olw'ebyuma ebikebera emmotoka enkadde

Added 28th July 2016

Bayombye olw’ebyuma ebikebera emmotoka enkadde

 Bayombye olw’ebyuma ebikebera emmotoka enkadde

Bayombye olw’ebyuma ebikebera emmotoka enkadde

GAVUMENTI etuusizza ebyuma okwekebejja ebidduka mu nkola ey'obuwaze. Ebyuma bino byakusookera ku mmotoka ezaakayingizibwa mu ggwanga nga tezinnassibwako nnamba ssaako n’ezo ezisaabaza abantu omuli bbaasi ne takisi.

Kyo ekifo eky'enkalakkalira omuneekebejjebwa ebidduka e Matugga kyawedde okutegekebwa nga wano we bagenda okukolera ku bbaasi, takisi ne bodaboda okundika n'omwezi gwa September.

Winstone Katushabe omuwandiisi w'ekitongole ekivunaanyizbwa ku bidduka mu ggwanga ekya Transport Licensing Board (TLB) yagambye nti kkampuini ya SGS eyapatanibwa minisitule y'ebyenguudo n'entambula okukola omulimu guno yatuusizza ebyuma bisatu, ebigenda okutandika okwekebejja ebidduka okulaba nga biri mu mbeera ekkirizibwa ku nguudo.

Ebyuma bikebera bbuleeki, obukono, emipiira oba mulimu embaliga, ttaala za mmotoka ne ‘spef’ mmita. Enteekateeka eno yali eddukanyizibwa ekitongole kya poliisi ekyekebejja ebidduka n'okugezesa baddereeva abaagala okufuna pamiti ekimanyiddwa nga Inspector of Motor Vehicles (IOV) e Naggulu mu Kampala ne ku matabi gaayo wonna mu ggwanga.

Kyokka enkola eno yali yadibizibwa emyaka 15 egiyise, kati yazziddwa mu kkampuni ya SGS eyayitamu okwekebejja ebidduka. Kyokka baddereeva b’ebidduka eby’enjawulo bayomba olw’engeri Gavumenti gy’ereese enkola ng’egenderera okubakamulamu ssente ennyingi emirundi ebiri mu mwaka, kubanga ekidduka kirina okwekebejjebwa buli luvannyuma lwa myezi 6.

Kino bakiggya ku kuba nti waliwo ssente ezaagerekeddwa buli kidduka bwe baba baakukyekebejja. Pikipiki zonna zaakusasula 46,000/-, 134,000/- ku takisi, 93,400/- ku mmotoka za buyonjo, 50,000/- ku Coaster, 800/- ku bbaasi, lukululana zaakusasula 16,000/-. Mmotoka ezisaabaza abantu zaakwekebejjebwa emirundi ebiri buli mwaka kuba zikola nnyo nga teziva ku nguudo ate nga zitambuza obulamu bw'abantu bangi.

Mu ndagaano kkampuni ya SGS gye yakola ne Gavumenti baalina okwegulira ettaka okuzimba ebifo ebyekebejja mmotoka ng’ebyo ebibadde ku poliisi ya IOV babireke okwekebejja mmotoka eziba zikoze obubenje

More From The Author

Emboozi z’omuwandiisi endala

Emboozi endala

Abaasomerako e Kako nga bawaayo ebintu

Abaasomerako e Kako bawadde...

ABAYIZI abaasoomerako e Kako abeegattira mu kibiina kya Kako Old Students Association (KOSA) badduukiridde essomero...

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...