22 abarikuteekateekwa kuba abahekyera bakwatsirwe- Kyankwanzi.

NewVision Reporter
Journalist @NewVision
Oct 23, 2023

N’ebya Simon Masaba

KYANKWANZI

Pooriisi ekwatsire abantu 22 abarikuteekateekwa kuba abahekyera ba ADF omu disiturikiti eya Kyankwanzi.

Omugambirizi wa Pooriisi, Fred Enanga, naagira ngu abarikuteekateekwa kuba abahekyera ba ADF bakwateirwe omu bikwekweto by’ab’eby’okwerinda ebimazire wiiki yoona.

Arikugambaho n’abanyamakuru aha kitebe kikuru kya Pooriisi omuri Naguru, Kampala eriizooba ebiro 23/10/2023, Enanga naagira ngu akakiiko k’eby’okwerinda akamakwatane ak’okurwanisa ebikorwa by’obuhekyera kakozireho muhiigo ahi bakwateire abantu 22 abaine akakwate n’abahekyera ba ADF.

Okurugiirira ahari Enanga, banyakuteekateekwa batwire nibatuura omuri Kyankwanzi kandi bakagurayo eitaka batandika kukorerayo emirimo yaabo y’obuhekyera kunyangaraza abantu omu bicweka bitari bimwe by'eihanga.

Okukwatwa kwabo nikwijaho bwanyima y’ebiro bikye, abarikugambwa kuba bari abahekyera ba ADF baherize kwosya emotoka ya Lorry, okutaahirira emotoka y’abarambuzi omu eirindiro erya Queen Elizabeth National Park ahi beitsire abarambuzi 2 b’enduga mahanga hamwe na dureeva waabo w’omunya-Uganda.

#WestUpdates

Related Articles

No Comment


(adsbygoogle = window.adsbygoogle || []).push({});