UPDF ezoire embundu 112 omuri Karamoja

N’ebya Omushaki weitu

KARAMOJA

Omuhwezi w’omuduumizi w’amahe aga 3rd- Infantry Division, Brig. Gen. Felix Busizoori nakyoreka ngu bwanyima y’okwongyezayo obwire bwa’abashuma b’amatungo kuhayo embundu bekundiire omu kiganiiro ky’ab’eby’okwerinda n’abatuura orubaire omugomborora eya Tapach omu disiturikiti eya Moroto, embeera y’eby’okwerinda omu kyanga ekya Karamoja egumire etereire omu meezi 2 agahingwire.

Omuhwezi w’omuduumizi w’amahe aga 3rd- Infantry Division, Brig. Gen. Felix Busizoori omurukiiko n'abatuura.

“Titukatungire kutaahirira kw’amaani na munonga omu myanya nka; Kaabong, Kotido, Karenga na Abim eyabaire nekira kutaahirirwa munonga. Aba karachuna bateiremu amaani omukwakiira obusingye n’omuri za disiturikiti ezibaheeriire omuri eya Kitgum, Lira, Agago,” Okurugiira aha bigambirwe Brig. Gen. Felix Busizoori.

Naagira ngu omu meezi 3 agaheererukire, bazoire embundu 112 kandi nashaba aba Karachuna okureka embundu bakabaasa kureetaho obusingire ahabw’okwenda kureetaho entunguuka omu kyanga ekya Karamoja.

Guruupu ya bamwe omu bantu b'omu kyanga ekya Karamoja omu rukiiko rw'eby'okwerinda n'abakuru kuruga omu UPDF.

Busizoori naashaba abatuura okwerinda okuhoora enzigu kandi omwoga ogwo bagurekyere ab’eby’okwerinda barikubaheereza amakuru agarikwetengwa. “Uganda Peoples’ Defense Forces (UPDF) eri aha kubarinda n’ebintu byanyu niyo nshonga ahabw’enki tuteire ab’eby’okwerinda ahansharo omuri Turkana.

Omubigambo bye, Justin Tuko- omuhwezi wa RDC nakyoreka ngu abatuura abaingi omu kyanga ekya Karamoja na munonga aba Karachuna bagumizemu n’okuhayo embundu bekundiire omu b’eby’okwerinda.

#WestUpdates