Omuhandiki w’entuura, Lamaro arabwire aba nurse abasia n’abazaarisa aha bushomankuzi.

N’ebya Wilson Asiimwe

HOIMA

Omuhandiiki w’entuura omu minisiture y’eby’obwegyese n’emizaano, Ketty Lamaro arabwire aba nurse hamwe n’abazaarisa okwerinda obushomankuzi.

Lamaro agambire ebi obu abaire akuriire omukoro gw’okujweka aba nurse n’abazaarisa 836 ab’eitendekyero erya Hoima School of Nursing and Midwifery omu rurembo orwa Hoima aharwakashatu.

Naagira ngu abahendire emishomo yaabo batungire obukugu oburikwetengwa kukora gye emirimo yaabo nikwo kubahiga kutaho oburyo kureeba ngu bayerinda okurya ebituga. Abashabire okuhamira aha biragiro ebirikutegyeka omurimo gwabo.

Lamaro ayorekire okwetomboita kw’abantu abamwe ahabw’omutindo mubi ogwaba nurse abarikushohozibwa omu Uganda, eki ayegyekyeriire ahakuburwa obukugu n’okugira omururu gw’esente.

Lamaro nayongyeraho ngu gavumenti etandikire kwombeka oburaaro bw’abeegi b’abaishiki ah’eitendekyero eri nk’omuringo gumwe gw’okutunguura eby’obwegyese.

Christine Nimwesiga, omuhandiiki w’akakiiko aka Uganda Nurses and Midwives’ Council, ashabire aba nurse n’abazaarisa okukora omurimo gwabo n’omutima gumwe ekirabahwera kugsiga eiziina rirungi baaba barugire aha mirimo egyo.

Nimwesiga ashabire abahendiire emishomo yaabp okureeba bakoresa obuheereza bw’okwehandikisa kurabira aha mikura ya kanyabwengye ey’akakiiko Kwenda ngu babaase kutunga license y’okubikiriza kukora.

Marc Kalanzi, mukuru w’eitendekyero erya Hoima School of Nursing and Midwifery, agizire ngu bakiine ekizibu ky’abakozi kuba bakye hamwe n’okugira abakozi baingi abatari aha rukarara rw’abakozi ba gavumenti orw’okutungiraho omushaara (payroll).

#WestUpdates