Purezidenti Museveni abugaineho Omusinga wa Rwenzururu.

N’ebya Beth Akatukunda

ENTEBBE

Purezidenti Yoweri Kaguta Museveni abugaineho Omusinga wa Rwenzururu, Charles Wesley Mumbere hamwe n’omukazi we, Nyabaghole Agnes Ithungu Asimawe bagiraho ekiganiiro aha maka g’obwa Purezidenti, Entebbe.

Omu rukiiko rwabo orubaireho nyomwebazyo, Purezidenti Museveni ayorekire okushemererwa ahabw’obusinga bwa Rwenzururu kutandika eshuura nsya eine akakwate n’okworekwa kw’ekigombe kya NRM okw’okutunguura Uganda.

Purezidenti ashabire abeebembezi b’eby’obuhangwa okuta amaani aha kureetaho obumwe ahamwanya gw’okuza omu kwebaganisamu.

Purezidenti amanyiise Omusinga otambwire n’aba minisita abamwe ngu gavumenti ekagaruzaho obukama kwenda kwikiriza abeebembezi b’eby’obuhangwe kurundana n’okutunguura abantu kurabira omu puroguraamu nk’eya boona bashome n’okureeba ngu buri muntu yayegaita omu ntaasya erimu esente.

Purezidenti Museveni ayongiire yahamisiririza ngu gavumenti terikubaasa kukora nshobi yoona kurekaho ebigyendererwa byayo.

Ahanshonga y’eby’obuhangwa, Purezidenti ashabire abeebembezi b’eby’obuhangwa okuta amaani aha kureetaho obumwe ahamwanya gw’okuza omu kwebaganisamu. 

Museveni ahamiize obukama bwona omu eihanga ngu gavumenti neija kutaho oburyo kureeba ngu omu mbaririra y’omwaka gw’eby’esente ogurikwija, yayombeka ekikaari ky’obusinga omuri Kasese hamwe n’okwongyera aha busiimo oburikuheebwa obukama buri kwezi.

Omuhwezi w’enganzi y’obusinga bwa Rwenzururu, Edwin Kugonza amanyiise Purezidenti ngu bwanyima y’okugaruka omuri Kasese aha biro 04/10/2023, Omusinga akatongozaho eshuura nsya ey’okureetaho obusingye, okusaasirana hamwe n’ebindi ahabw’oburungi bw’abantu abari omu businga.

Omusinga wa Rwenzururu, Charles Wesley Mumbere omurukiiko na Purezidenti, Yoweri Museveni aha State House, Entebbe.

Orukiiko oru nabwo rwetabirwemu minisita w’eihanga ow’eby’empurizana n’okuhabura eihanga, Godfrey Kabbyanga Baluku, omuhwezi w’omutonganirizi wa gavumenti, Jackson Kafuuzi hamwe n’aba minisita kuruga omu businga bwa Rwenzururu.

Purezidenti Museveni abugaineho Omusinga wa Rwenzururu, Mumbere hamwe n'abandi bakuru kuruga omubusinga bwa Rwenzururu, aha maka g'obwa Purezidenti, Entebbe.

#WestUpdates