Letshego Uganda ehaireyo 'cheque' ya miriyooni 20 kushashura Fortunate owayihireho obubonero 4.

Bruno Mugizi. 

MBARARA 

Letshego Uganda Limited ehaire eishomero rya Mary Hill High School Mbarara cheque ya shiringi miriyooni 20 kubaasa kushashura fiizi ya Fortunate Atuhaire ow'emyaka 14 owakozire obubonero 4 ahari Kyabuharambo primary school omu disiturikiti ya Sheema omu bigyezo bya P.7 ebiherize kushohozibwa. 

Shiringi miriyooni 20 ezi nizeija kuhwera Fortunate kushoma kuhisya obu araheze siniya ya 4.

Bwanyima y'ebigyezo bya P.7 kushohora, Radio West na TV West bakashohoza sitore ya Fortunate ow'omu kyaro kya Kitooha omu woodi ya Kashenyi omu tauni kansi ya Kashenyi-Kajaani owabaire nayenda obuhwezi bwa fiizi za siniya ahabw'abazaire be obuteebaasa.

Fortunate ayaakiirwe Mukuru w'eishomero erya Maryhill High school, Sr. Tumuhimbise Sarah owamutaabaarusya okutunga omugisha gw'omushomera ah'eishomero eri. Fortunate yasiima aba Letshego Uganda ahabw'okumuhwera akabaasa kweyongyeraho omu siniya hamwe n'okushagika obwegyese bw'omwana w'omwishiki.

Fortunate ayaakiirwe mukuru w'eishomero erya Maryhill High School, Sr. Tumuhimbise Sarah amutaabaarukize ahabw'okutunga omugisha gw'okushomera ah'eishomero eri.Photo by Bruno Mugizi..

Denis Mbiika, orikukurira eby'eby'obushuubuzi omu Letshego Uganda naagira ngu bashashura sente z'okumara emyaka 4 ngu kwonka nibeija kwongyera kumuhwera.

Mwijukye Francis, Omuny'ishengyero wa Buhweju naashaba Fortunate okuta amaani aha kushoma kwe n'okugira emicwe mirungi eki arikugira ngu eki nikiija kumuhwera kuhika aha ki arikwenda.

#WestUpdates