Abariisa omuri Ibanda bateireho oburyo bw’okurwanisa endwara y’ejwa

Abariisa omuri Ibanda bateireho oburyo bw’okurwanisa endwara y’ejwa 

N’ebya Timothy Mushabe

IBANDA:

Nk’omuringo gw’okurwanisa endwara y’ejwa, abariisa omu disiturikiti ya Ibanda baakingire emihanda kugira ngu ab’ebyiruka n’ab’ebigyere baarabe omumubazi ogw’okwita obukooko.

Emwe ahamyanya eri ahakukora ehururu egi ni woodi ya Kalangara erikushangwa omuri Bisheeshe omuri Ibanda munisiparite eyebembeirwe Vincent Kahizio arikwebeembera akakiiko k’okurwanisa endwara egi.

Abariisa omuri Ibanda bateireho oburyo bw’okurwanisa endwara y’ejwa..(Photo by Timothy Mushabe)

Ogu naagira ngu buri eizooba nibakozesa shiringi 200,000 okugura omubazi hamwe n’okushashura abakozi aharikushabira obuyambi kuruga omubariisa boona ahabw’akakiiko okuremererwa.

Abariisa omuri Ibanda bateireho oburyo bw’okurwanisa endwara y’ejwa..(Photo by Timothy Mushabe)

Obwahati, endwara y’ejwa eriyo nekyeyongera kukwata endijo emyanya kandi okurugiirira ahari Dr Isabel Mweheire, omushaho w’amatungo ahabwa Ibanda munisiparite, amarisizo gari kuhika 30 nigo gaine ejwa.

Abariisa omuri Ibanda bateireho oburyo bw’okurwanisa endwara y’ejwa..(Photo by Timothy Mushabe)

Ogu naagira ngu abariisa omu bicweka byona bya Ibanda bayejumbira omu hururu egi, nibaija kurwanisa okujanjaaza endwara egi.

Emihingo ahabutare bw’amatungo omuri Ibanda ekiriho kandi tihaire orikwikirizibwa okubaaga ninga okutambuza amatungo.

#WestUpdates