Omurambuzi w’amashomero akwatsirwe ahabw’okubura kwa results za S.4- Gulu.

N’ebya Ismael Jacob

GULU

Omurambuzi w’amashomero omu rurembo rwa Gulu, Phiona Atim akwatsirwe ahabw’okubura kw’ebirugire omu kukora ebigyezo bya S.4 by’abeegi 103.

Okurugiirira aha mugambirizi wa Pooriisi ahabw’ekyanga ekya Aswa West, David Mudong Ongom, Atim nagambwa kuba akwatsirwe aharwakashatu ebiro 06/03/2024 ahabw’okubura kw’ebirugire omu bigyezo bya S.4 eby’eishomero erya Pope Francis Secondary School omu Divijoni ya Pece-Laroo omu rurembo orwa Gulu.

Okukwatwa kwe kwizireho bwanyima y’abazaire n’abeegi abataaratungire ebigyezo byabo kweteerera enduuru owa RCC hamwe n’orikukurira eby’obwegyese omu rurembo n’abandi omu rukiiko orubaire omu kishengye kya ofiisi ya RCC.

Omurukiiko orwo, RCC wa Gulu, Jane Francese Okili ashabire Atim okushoborora ekyabaireho ekyarugiriireho ekitongore ky’ebigyezo ekya UNEB kukwata ebigyezo by’abeegj eki aremirwe kushoborora, RCC Okili akaragiira ngu akwatwe.

Ekitongore ky’ebigyezo ekya UNEB kikashohoza aharwakana ebiro 15/02/2024.

Okurugiirira ahari Mudong, Atim ahaireyo siteetimenti  aha kubura kw’ebirugire omu bigyezo by’abeegi aha Pooriisi ya Gulu East Division.

Okili ashabire orikukurira eby’obwegyese omu rurembo rwa Gulu okuza aha kitebe kikuru kya UNEB omuri Kampala kumanya ekyareeteire ebigyezo by’abeegi abo nibikwatwa.

#WestUpdates