N’ebya Isaac Nuwagaba

KAMPALA

Ekigombe ekya NRM kitandikire ehururu y’okuhandiika n’okushwijuma amaziina gaaba memba omu ‘Yellow Book’.

Ehururu egi etandikire nyomwebazyo Orwakashatu ebiro 13/03/2024 kandi egyenderiire kuteereza regista y’aba memba ba NRM omu kwetegurira akaruuru ka boona aka 2026. 

Abakuru omu NRM nibagira ngu ehururu y’okuhandiika egyenderiire kureeba ngu ekigombe kyamanya ba memba bakyo hamwe n’abarikwija kwetaba omu kuteera akaruuru kabakwasi b’ebendera n’endiijo mirimo y’ekigombe.

Minisita w’enshonga za Kampala, Hajjati Minsa Kabanda ohikire aha kutongozaho ehururu egi omu kyaro kya Kakajjo 1 zone omu muruka gwa Bukesa ashabire abatuura boona abahikize emyaka y’okwehandikisa okwegaita aha kigombe bakabaasa kwehandikisa.

Ceeyamaani w’ekigombe kya NRM omu rurembo Kampala kandi Meeya wa Central Divijoni, Salim Uhuru Nsubuga, akyorekire ngu ehururu y’okuhandiika neija kukorwa omuri za divijoni zoona 5 ez’omuri Kampala kandi ba memba ba NRM nibashabwa kwija omu bwingi.

#WestUpdates