Museveni, Samia na Ruto baganiire aha ky’okwegaita kw’amahanga ga East Africa.

 N’ebya Omushaki weitu

ZANZIBAR

Purezidenti Yoweri Museveni obwa hati ori omuri Zanzibar agizireho ebiganiiro na bataahi be, William Ruto owa Kenya hamwe na Dr. Samia Suluhu Hassan owa Tanzania.

Purezidenti Yoweri Museveni owa Uganda, Samia Suluhu Hassan owa Tanzania na William Ruto owa Kenya omu rukiiko rwabo omuri Zanzibar.

Orukiiko rw’abeebembezi 3 abataayaayisiibwe Samia rubaireho nyomwebazyo Orwakana ebiro 14/03/2024 omuri Tunguu, Zanzibar.

Okurugiirira ahakihandiiko ekiteirwe aha mikura yaabo ya kanyabwengye, abeebembezi b’amahanga aga 3 baganiire aha nshonga z’okwegaita kw’amahanga ga East Africa na munonga okurahusyaho entebeekanisa y’okurundaana ebiteekateeko by’abantu aha kihandiiko ky’engyenderwaho y’ekigombe ekya East African Political Confederation (EAC Political Confederation) ekiriyo nikikorwaho.

Okurundaana ebiteekateeko by’abantu aha nshonga y'okwegaita kw'amahanga ga East Africa kuriyo nikukorwa tiimu y’abahangu eriho ba memba 3 kuruga omuri buri eihanga eriri omu mukago gw’amahanga ga East Africa.

Ehururu y’okuronda ebiteekateeko by’abantu yaherize kutandikaho omu mahanga nka Burundi, Uganda na Kenya.

#WestUpdates