Abanyamakuru babyaire emiti ahamugyera gwa Rwizi barikukuza ekiro ky’ebibira.

Eli Akiza

Abanyamakuru abarikwegaitira omu kitongore kya Water Journalists Africa eizooba rya nyomwabazyo babyaire emiti erikuhika 500 ey’ekika ky’emigano aha myegyego y’omugyera gwa Rwizi nk’akamanyiso k’okukuza ekiro ky’ebibira omu ihanga.

Orikukurira ekitongore ekirikwenegyeza obusingye n'entunguuka omuminyeto ya Uganda, Edgar Buryahika (LEFT) aine orikukurira ekitongore ky'abanyamakuru abarikuhandiika ahaby'amaizi, Fredrick Mugira ahamugyera gwa Rwizi barikubyara emiti. PHOTO: ANDREW TUSHABE

Izooba eri ery’ebibira ensi eyegaitsire kukuza ekiro ky’ebibira ahansi y’omutwe gw’ebibira hamwe n’ebintu ebisya ebirikubaasa kukorwa kubaasa kuhangaho ensi ensya.

Nizar Mrisho, kuruga omukitongore empa-buhwezi ekya Uganda Red Cross Society Mbarara arikubyara omuti haihi n'omugyera gwa Rwizi ebiro 21.03.2024. PHOTO: ANDREW TUSHABE

Okucondooza nikworeka ngu ensi nefeerwa hekiteya zirikuhika 6,000,000 z’ebibira buri mwaka kandi eki kyaba kitarwanisiibwe, obutagatsi bw’ensi (okwosya) kw’ensi kubaasa kweyongyera.

Edgar Buryahika (YOPEDU), Sulaiman Miiro (Mbarara Corporate Club) na Eddie Agaba (Speke Events) bari ahari St James Catheral Ruharo Mbarara City barikuza kubyara emiti ahakiro kya World Forests Day ebiro 21.03.2024. PHOTO: ANDREW TUSHABE

Abanyamakuru aba bakwataniise n’abakuru kuruga omu dayosiisi ya Ankole, ab’ekitongore kya Speke Events, Abahuumuza Development, aba Youth for Peace and Development - Uganda hamwe n’aba Mbarara Corporate Club League.

Bamwe ahabanyadiini kuruga omuri Ankore Diocese barikugaaniiraho n'abanyamakuru ahakukuza ekiro ky'ebibira ebiro 21.03.2024. PHOTO: ANDREW TUSHABE

Buri mwaka aha biro 21/03 ensi neeyegaita kukuza ekiro ky’ebibira ahabw’okuta ekitiinisa omu bimera hamwe n’okwijuka omugasho gwabyo ahamagara g’omuntu.

#WestUpdates