Omugyera gwa Mpanga guteirweho ensharo omuri Ibanda.

N’ebya Levi Muhaburane

IBANDA

Ab’eby’obuhangwa omu disiturikiti eya Ibanda bakwataaniise n'ekitongore ekya JESE bateire ensharo aha mugyera ogwa Mpanga okuzibira okukorera emirimo etarikwikirizibwa haihi n'omugyera ogu.

Omugyera ogu ogurikwiha amaizi omu nshozi za Rwenzori kuza omu Nyanja ya George, gutwire nigutaahirirwa kandi bamwe n’ab’ekihome ky’embohe ekya Kiburara Prison Farm.

Omugyera gwa Mpanga guteirweho ensharo omuri Ibanda.

Okutaahirira oku kureteire amaizi g’omugyera ogu gakyendera kandi nk’omuringo gumwe gw’okugugaruzaho ekicweka ekyataahiriirwe, disturikiti eya Ibanda ekwataaniise n’aba Joint Effort to save the environment basimbire ensharo okuzibira emirimo kuhikana n'omugyera.

Okurugiirira ahari Elly Kirya, orikukurira eby’obuhangwa omuri Ibanda naagira ngu okwongyerera aha kushuka amaizi omu Nyanja eya George, nabwo hariho amashanyarazi aga Kanala, ebinyonyi bikureeta abarambuzi kandi okugutaahirira kibaire kigweriire kimwe.

Kurya naagira ngu omuhururu egi, kiromita 5 nizo zirateebweho ensharo.

Barikutongoza okusimba ensharo, Elias Tumuboine-omuhwezi wa ceeyamaani wa disiturikiti eya Ibanda ashabire abatuura  abarikuza kukwatwaho na mita 100 obutajemera kiragiro ky’eby’obuhangwa kandi yasima n’aba Kiburara prison farm ahabw’okwakira ehururu egi.

Okutaahirira emyanya y’amaizi kizire nikireetaho empinduka y’obwire kandi disiturikiti ya Ibanda eine omwanya gurikwingana za hiika 5,184 gw’ebisharara, beitu ahari ogu, mita 2,800 z'ebisharara gutaahirirwe ekirikukora obucweka 42.2 ahari 100.

#WestUpdates