Ateirwe amasasi yafeeraho arikwenda kwita abaana 4- Makindye, Kampala.

N’ebya Charles Etukuri

KAMPALA.

Omushaija otamanyirwe maziina obaire ahagatiire omuhoro ataahire kifuba omu maka ga Anita Ayebare omutuura wa Bongole Zone, Ndejje omuri Makindye Divijoni omu disiturikiti eya Kamoala nikwo kwenda kwita abantu 4 abu abaire yakwatsire arikushaba esente kubareka kandi ateirwe amasasi yafeeraho. Pooriisi ebaasize kucungura abaana abo.

Luke Owoyesigyire, Omuhwezi w’omugambirizi wa Pooriisi ahabwa Kampala n’emyanya egiheriire, naagura ngu omushaija ogu ataahiriire eka ya Anita Ayebare obu abaire ariyo naarya kyansya n’abaana be 4 nikwo kubashaba shiringi miriyooni 5. 

Omukazi ku ayangire kuzimuheereza, omushaija ekiniga akiteire aha baana be 4 nikwo kutandika kubatematema n’omuhoro ogu abaire aine.

Ekikorwa eki kibaireho ebiro 29/04/2024 shaaha nka 4:30 z’akasheeshe omu kyaro ekya Bongole omuri Makindye Divijoni.

Abaana aba obwa hati bariyo nibatunga okuragurirwwa ah’eirwariro erya Nalujja Medical Centre.

Ekikorwa eki kibaireho ebiro 29/04/2024 shaaha nka 4:30 z’akasheeshe omu kyaro ekya Bongole omuri Makindye Divijoni.

Abaana aba bamanyirwe nka; Lucia Atuhaire (2), Maria Zoe Ampaire (5), Blair Musiime (7), na Godius Ankunda (14). Owoyesigyire asiimire abatuura hamwe na Pooriisi ahabw’okurahuka kwija kuhwera abantu aba.

Pooriisi eshangire ngu omushaija ogu abaire akingiriine abantu aba omunju kandi Pooriisi egyemesereziibwe kubamburaho amabaati ahanju.

Owoyesigyire naagira ngu omutumbi gw’omugyenzi gutwirwe omu kabafu ah’eirwariro erya Mulago kukyeberwa obwo okucondooza kurikugyenda omu maisho.

#WestUpdates