Mutaabihwabihwa bakabagura, aba NUP bashabirwe.

N’ebya Simon Peter Tumwine

KAMPALA

Purezidenti w’ekigombe ekya National Unity Platform (NUP), Robert Kyagulanyi Ssentamu a.k.a Bobi Wine nashaba abashuganisa b’ekigombe, abahandiiki n’abandi beebembezi ab’ekigombe okwerinda okurwanira omunda y’ekigombe.

Arikugambaho n’abeebembezi aha kutongozaho obukiiko bw’ekigombe hamwe n’okutaho engyenderwaho ey’ekigombe aharw’okubanza ebiro 29/04/2024, Kyagulanyi agizire okurwana n’obuteikirizana omunda y’ekigombe byona ebyo bikateganisa ekigombe eki omu karuuru ka boona aka 2021.

Nakyoreka ngu omu bwire butari bwahare, nibeija kutandika aha kicweka kyabo kya kabiri eky’okutambura eihanga ryona barikuronda obushagiki.

Omu bigambo bye, Joel Ssenyonyi- Omwebembezi w’orubaju oruhakani omu Paramenti, ashabire ba memba ba NUP okuhamira aha muramwa kandi bareebukye tibabihwabibwa okugurwa ebigombe ebindi eby’obutegyeki na munonga ekya NRM ekiri omu bwebembezi.

Ehururu y’okuhandiika ba memba ba NUP neteekateekwa kutandika 01/05/2024 kandi neija kumara okwezi kwona.

Buri kaadi negura shiringi 1,000 ahari ogwo weena orikwenda kuba memba b’ekigombe kya NUP.

#WestUpdates