Abariisa omuri Rubirizi bahairwe embuzi n’ente z’okuriisa

N’ebya Bruno Mugizi

Ekitongore ekitari kya Gavumenti ekya Rural Initiatives on Poverty Alleviation (RIPA) ekirikushangwa omugomborora ya Mbagambo omu disiturikiti ya Rubirizi kihaire abariisa embuzi hamwe n’ente omu disiturikiti egi kubaasa kubeiha omubworo hamwe n'okutunguura obwingi bw’amate omu disiturikiti ya Rubirizi. 

Embuzi zirikuhika 73 nizo zigaabiirwe abariisa 32 kandi baagarukire baheereza abantu 20 ente 20.

Abariisa omuri Rubirizi bahairwe embuzi n’ente z’okuriisa...Photo by Bruno Mugizi

Ahamukoro ogu, RDC wa Rubirizi, Bruno Kikanshemeza obaire ajwekire Minisita w’eihanga ow’okureebuza eby’esente, Akello Beatrice, araabwire abatuura kurekyeraho kutaahira amarindiro g'enyamaishwa obwo barikuronda enyama.

Bamugaya Vicent Tumusiime, ori mukuru w'ekitongore eki agiizire ngu ekitongore eki n’eky’okuhwera abantu kuruga omubworo.

Abariisa omuri Rubirizi bahairwe embuzi n’ente z’okuriisa...Photo by Bruno Mugizi

Ogu naagira ngu purojekiti nyingi nk’okuriisa enkooko, enjoki, empunu nibimwe ebi bareije kuheereza abantu kubaasa kubeiha omubworo.

#WestUpdates