Abavugi ba boda boda batendekirwe okukunda eihanga ryaabo
N’ebya Omushaki Waitu
Nakaseke:
Purezidenti Yoweri Kaguta Museveni araaganise kurondera omubazi omuhenda gw’okutunga licence y’okuvuga boda boda.
Purezidenti Museveni ashohoize abavugi 372 ahari Kaweweta...Photo by PPU
Ebi Purezidenti abigambire nyomwabazyo ahakushohoza abeebembezi 372 b’abavugi ba boda boda kuruga omu rurembo orwa Kampala na disiturikiti eya Wakiso bwanyima y’okutendekwa ebiro 8 ahakukunda eihanga ryabo ah’eitendekyero erya Oliver Reginald Tambo School of Leadership, Kaweweta omu disiturikiti ya Nakaseke.
Abavugi ba boda boda ahari Kaweweta...Photo by PPU
Abaire nagarukamu Ceeyamaani w’abavugi ba boda boda omuri Kampala, Frank Mawejje omumanyise ngu piki nyingi zikwatsirwe ahabw’abavugi kubura licence ezigumire kutunga ahagati ya shiringi 400,000 – 600,000.
Purezidenti ahaamize abeebembezi aba ngu piki zoona ezakwatsirwe pooriisi omubikwekweto byaabo nizija kurekurwa.
Aba bashomesibwe okukunda eihanga ryaabo n'okukorera ebyanga byabo..Photo by PPU
Omubigambo bye, Minisita w’enshonga z’obwa Purezidenti, Milly Babirye Babalanda agiizire ngu okutendekwa nk’oku nikwijutsya abantu obujunaanizibwa bwaabo okukorera eihanga ryabo n’okutunguura ebyanga byaabo.
#WestUpdates
No Comment