Aba Rotary nibashabwa kushagikwa eby’obwegyese

Aba Rotary nibashabwa kushagikwa eby’obwegyese

N’ebya Adolf Ayoreka

MBARARA

Ba memba ba Rotary club omukyanga ekya Burengyerwa-eizooba nibashabwa okushagika eby’obwegyese.

Kurugiirira ahari Gavana wa District 9214 Francisco Ssemwanga, obwegyese nibuhwera omu nkura y’omuntu kutandikira aha rurengo orwa purayimare.

Ssemwanga naagira ngu eihanga niribaasa kutunguura abantu obwo ririkurabira omu bwegyese.

Ebi abigambire omu rutaayaayo rwe omu Rotary Clubs omukyanga ekya Ankole orutandikire ahabiro 17/8/2023 kuhitsya ebiro 19/8/2023.

Rotarian Francisco Ssemwanga District Governor Speaking To Rotarians During The Dinner At Rotary House In Kiyanja Mbarara City On Friday Evening

Ssemwanga atayaayiireho purogyekiti ezimwe eziriyo nizishagikwa Rotary Club.

Ogu arambwire purogyekiti y’okwombeka ebibiina 3 ah’eishomero erya Nyamiyaga Primary omu munisiparite ya Sheema, eriyo neshashurirwa Rotary Club eya Mbarara.

Na bwanyima aharwakataano, atongoizeho purogyekiti y’eby’obuyonjo omu micwe y’abaishiki ah’eishomero erya Rwarire Primary School omu rurembo orwa Mbarara.

Ahendeire n’okubyara emiti aha emyegyego y’Omugyera gwa Rwizi.

Rotary club eya Mbarara ehaire abeegi pads n’ebidni by’okukoresa nk’ebitabo n’obucumu.

Ssemwanga araagaanise okuhereza abeegi b’eishomero erya Rwarire Primary obuhunga bw’okunywa ahari kyansya kutandika na tamu erikwija.

#WestUpdates