Loole esse 3 e Jinja

Abaafudde ye mwana ow’omwaka ogumu,  Paul Mwondha  eyabadde n’omusuubuzi w’amatooke, Judith  Sanyu n’omuwooza  Adam Mande eyakazibwaako erya Kawalaata. Akabenje kano  kaabaddewo  ku ssaawa 11.00 ez’olweggulo, loole Fuso eyabadde eyingira ekibuga Jinja bwe yagaanyi okusiba n’eyingirira  akatale n’egoya abasuubuzi.

Loole eno yatomedde  loole endala eyabaddeko ebidomola n’obutebe, eyabadde ku mulyango gwa paaka ya bbaasi n’eyingirira akatale n’etta Sanyu n’omwana wa  Sylvia Ttoola.
Omulala eyalumiziddwa ye muyizi wa S5 mu Focus SS, Aisha Nakabonge.

Loole eyatomedde yabadde-mu omujaasi eyanyigiddwa ebyuma kyokka abantu baamuyambye okumuggyamu. Ye ddereeva wa loole yadduse. Abaalumiziddwa baatwaliddwa mu ddwaaliro e Jinja.

Abadduukirize abamu ate bazze mu kunyaga bintu ng’ebidomola. Akulira Poliisi y’ebid-duka mu Jinja, Dixon Rugundana yalabudde abasuubuzi naddala abakolera wabweru, okukomya okukolera mu nguudo wakati ng’olwa Alidina ne Lady Alice Muloki.