Awoza gwa kutta muganzi we

Omulamuzi Rugadya Atwooki owa Kkooti Enkulu y’alagidde Tonku ne Fred Ssempijja, eyali akola mu ssamba ye, okuwa oludda lwabwe oluvannyuma lw’oludda oluwaabi okuko-mekkereza obujulizi bwalwo obwabaddemu abantu 17.

Kigambibwa nti omusango baaguzza nga January 26, 2010, mu zooni ya Kijjwa e Bukasa, bwe batta Brenda Karamuzi omulambo gwe ne baguziika ku kinnya kya kazambi.

Nga January 30, omusajja eyali azze okufuuyira ye yagwa ku mulambo mu maka ga Nkurungira ge yali apangisa mu kitundu kino.

Mu bajulizi abaaleeteddwa mwe muli n’omuserikale wa poliisi eyaggya ku Ssempijja sitatimenti mwe yakkiririza nti ye yasanga Tonku amaze okusiba omulambo kwa Karamuzi mu ssuuka n’amuyambako okugusitula  ne bagussa mu kinnya kino.

Bombi baakwewozaako ku Mmande nga June 20.