TOP
  • Home
  • Amawulire
  • Akubye enduulu ng’alabye omusajja eyamusobezzaako

Akubye enduulu ng’alabye omusajja eyamusobezzaako

Added 27th February 2011

Omuwala ono ow’emyaka 16, (amannya galekeddwa), asomera mu Kisaasi College yakubye enduulu mu kaduukulu ka Poliisi e Kawempe akali okumpi n’oluguudo ng’alengera Ali Kibirige ayitawo mu takisi.

Abaserikale  baagobye  takisi eno eyabadde eva e Kawempe Mbogo ng’edda Kampala ne bagikwatira

Omuwala ono ow’emyaka 16, (amannya galekeddwa), asomera mu Kisaasi College yakubye enduulu mu kaduukulu ka Poliisi e Kawempe akali okumpi n’oluguudo ng’alengera Ali Kibirige ayitawo mu takisi.

Abaserikale  baagobye  takisi eno eyabadde eva e Kawempe Mbogo ng’edda Kampala ne bagikwatira okumpi n’akatale ka Growers ne baggyamu Kibirige.

Omuwala attottola nti, “Nnasooka kumanya Kibirige ttaamu ewedde bwe nnamupangisa ku siteegi e Mpererwe n’antuusa ku ssomero ne mmusasula 1,000/-.

Oluwummula bwelwatuuka nnalabira awo ng’akomyewo ku ssomero. Yantegeeza nga bakadde bange  bwe bamu-gambye anzizeeyo ewaka. Nnasomba ebintu ne mbitwala mu takisi ye n’avuga era yasibira ku kazigo ke e Kisaasi. Yantiisatiisa okuntuusaako obulabe singa nkuba enduulu.

Yansibira mu nnyumba nga tanzikiriza wadde okufuluma okweyamba nga ng’enda mu bbaafu n’agiyiwayo ekiro ng’akomyewo. Abadde agula emmere ne nfumba ne tulya. Wabula nga bwe ng’aana okwegatta naye ng’ankuba.

Okuvaayo yamaze kunkuba ne mpisibwa bubi. Yeerabidde okusibawo akanyolo ebweru  nnagenze okukwatako nga luggule ne nziruka era nnasibidde ku poliisi eno”.

Ekyandeese wano lwakuba ntya bazadde bange okulowooza nti nnabula n’omusajja ono. Nnabadde mu kadu-ukulu muno mwe mmaze ennaku ebbiri kwe kulaba Kibirige ng’asowodde mu takisi mu maaso.

Wabula Kibirige yagambye nti omuwala amumanyi kyokka abadde tamukozesa. Akulira bambega ba poliisi e Kawempe, Paul Mugisha yagambye nti Kibirige yagguddwaako omusango gw’okusobya ku mwana ku fayiro nnamba SD:44/17/02/11 .

Akubye enduulu ng’alabye omusajja eyamusobezzaako

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....