TOP

Eyabaddewo nga baziika Gaddafi ayogedde

Added 30th October 2011

DEREEVA wa Gaddafi, avuddeyo n’ayogera byonna ebyabaddewo nga mukamaawe eyali Pulezidenti wa Libya Col. Muammar Gaddafi eyattiddwa ng’aziikibwa mu ddungu.

DEREEVA wa Gaddafi, avuddeyo n’ayogera byonna ebyabaddewo nga mukamaawe eyali Pulezidenti wa Libya Col. Muammar Gaddafi  eyattiddwa ng’aziikibwa mu ddungu.

Okusinziira ku lupapula lwa Daily Mail, Huneish Nasr agamba: Mukama wange nga tannattibwa yalaga obuvumu bwe baamukukunula mu mudumu gye twali twekwese. Yali mugumu kyokka yalabika ng’asobeddwa ng’abasajja baweereza ebikompola eby’okumukumu.

Amangu ddala nga batutuuseeko nze bankuba ekigala ky’emmundu ne ngwa wansi ne basikambula mukama wange nga bwe bamukuba agakonde.

Nga tebannatugwako twamala ennaku ttaano nga tutambula mu Sirte nga twekweka mu mayumba ag’enjawulo. Mu kiseera kino kyonna Gaddafi yalabikanga ali mu birowoozo nga takitegeera engeri amaanyi n’ettutumu lye yalina gye bituuse ku kubeera omusajja ow’omukyalo atamanyi oba enkya anaafuna ekyemisana.

Obudde bwe bwonna mukama wange yabumalanga ayimiridde atunula e bugwanjuba nga talina gw’ayogera naye kyokka nga muvumu.

Nga bamaze okutuwamba, nze bankunguzza ne bantwala mu kkomera e Misrata, simanyi oba waliyo abalala abasimattuka nga balamu kw’abo be twali nabo.

Ku Lwokubiri kumakya nga ndi mu kasenge bankima ne bankanyuga mu bbuutu y’emmotoka ne bantwala mu ddungu n’abantu abalala ab’olubatu.

Twalaba mukama wange nga bamuteeka mu ntaana oluvannyuma ne babikkako omusenyu. Emyaka 30 gye mmaze nga nkolera Gaddafi saamulabako ng’atulugunya omuntu yenna era tabadde musajja mubi.

Eyabaddewo nga baziika Gaddafi ayogedde

More From The Author

Emboozi z’omuwandiisi endala

Emboozi endala

Abasumba nga banyokeza akabaani okwetoloola mulambo gwa Ssaabasumba

Fr. Ssajjabbi annyonnyodde ...

OMUSUMBA Severus Jjumba bwe yabadde tannatandika Mmisa ya kusabira mwoyo gwa Ssaabasumba Dr. Cyprian Kizito Lwanga...

Kalidinaali Wamala

Kalidinaali Emmanuel Wamala...

KALIDINAALI Emmanuel Wamala akungubagidde Ssaabasumba Dr.Cyprian Kizito Lwanga eyamuddira mu bigere  n'alaga ennyiike...

Omugenzi Ssaabasumba Lwanga

Omugenzi Ssaabasumba Lwanga...

ENTEEKATEEKA z'okuziika Ssaabasumba Dr .Cyprian Kizito Lwanga ziwedde, olukiiko oluzikolako bwe lutegeezezza ng'...

Obutebe nga butegekeddwa ku Lutikko e Lubaga awagenda okuziikibwa Ssaabasumba Lwanga (mu katono) enkya.

Enteekateeka z'okuziika Ssa...

ENTEEKATEEKA z'okuwerekera Dr. Cyprian Kizito Lwanga abadde Ssaabasumba w'essaza ekkulu erya Kampala zigenda mu...

Todwong ng'ayogera eri ababaka abalonde olwaleero.

Ababaka abayonsa bagaaniddw...

ABABAKA abayonsa bagaaniddwa okwetaba mu lusirika lw'akabondo ka NRM aka palamenti enkya  e Kyankwanzi, wabula...